— मोहम्मद मार्डी र मोहम्मद सुलेमनको दुई दुई गोलको मद्दतले जोर्डनले सोमबार एसियन कप २०२३ मा मलेसियालाई सजिलै ४–० ले हरायो । यो जितपछि जोर्डन समूह ‘ई’ को शीर्षमा पनि रहन सफल रह्यो ।
जोर्डनले पहिलो हाफमा तीन गोल गरेको थियो र खेलमाथि पूर्ण नियन्त्रण राख्न सफल रह्यो । यस अगाडि यसै समूहको खेलमा दक्षिण कोरियाले बहराइनलाई ३–१ ले हराएको थियो ।
समूह ‘डी’ मा भने पूर्व विजेता इराकले इन्डोनेसियालाई ३–१ ले पराजित गर्यो । यो समूहमा जापान र इराकको समान तीन अंक छ र दुवै टिमको अर्को चरणको यात्रा बलियो बनेको छ ।
