— इजिप्टले अफ्रिका कप अफ नेसन्समा बिहीबार लगातार दोस्रो बराबरी खेलेको छ । समूह ‘बी इजिप्टले घानासँग २–२ को बराबरीमा चित्त बुझाएको हो । केप भेर्डे दुई खेलबाट तीन अंकमा पहिलोमा छ भने त्यसपछि इजिप्टको दुई अंक छ ।
खेलको पहिलो गोल गरेका मोहमद सलाह भने चोटका कारण पूरा समय मैदानमा रहेनन् र यो इजिप्टको लागि चिन्ताको विषय हुनेछ । समूह ‘ए’ मा नाइटजेरियाले आयोजक आइभरी कोस्टलाई १–० ले हरायो ।
त्यस्तै इक्वेटोरियल गिनीले गिनी बिसाउलाई ४–२ ले हराएर समूहको शीर्ष स्थानमा रह्यो । इक्वेटोरियल गिनी र नाइजेरियाको समान चार अंक छ । आइभरी कोस्ट भने तीन अंकको स्थितिमा छ ।
