। अष्ट्रेलिया कतारमा जारी एएफसी एसियन कप फुटबलको नकआउट चरणमा प्रवेश गरेको छ ।
समूह बी अन्तर्गत बिहीबार भएको खेलमा सिरियालाई १-० ले हराएको अष्ट्रेलियाले लगातार दुई जितपछि अन्तिम १६ मा स्थान पक्का गरेको हो ।
अष्ट्रेलियाका लागि ५९औं मिनेटमा ज्याक्सन इभर्निले एक मात्र गोल गरे ।
लगातार दुई जितबाट अष्ट्रेलिया ६ अंकसहित शीर्ष स्थानमा छ । सिरिया १ अंकसहित तेस्रोमा छ ।
यसै समूहको अर्को खेलमा भारत उज्वेकिस्तानसँग ३-० ले पराजित भएको छ । जितपछि उज्वेकिस्तान ४ अंकसहित दोस्रो स्थानमा छ । लगातार दुई खेल हारेको भारत अंक विहीन छ । भारतले दुवै हारमा गोल समेत गर्न सकेको छैन ।
यस्तै समूह् सी को खेलमा युएई र प्यालेस्टाइनले १-१ को बराबरी खेल्दै अंक बाँडेका छन् ।
