। साविक विजेता सेनेगल अफ्रिकन कफ अफ नेसन्सको अन्तिम १६ मा प्रवेश गरेको छ ।
शुक्रबार राति भएको समूह सी को खेलमा क्यामरुनलाई ३-१ ले पराजित गर्दै सेनेगलले एक अघि नै नकआउट चरणमा स्थान सुरक्षित गरेको हो ।
सेनेगलका लागि इस्माइला सारले १६औं, हाबिबि डियालोले ७१औं र साडियो मानेले इन्जुरी टाइममा गोल गरे ।
क्यामरुनका जिन चार्ल्स कास्टेलेट्टोले ८३औं मिनेटमा एक मात्र गोल गरे ।
जितपछि समूह सी मा सेनेगल दुई खेलबाट ६ अंकसहित शीर्ष स्थानमा छ ।
सेनेगलले अब समूहको अन्तिम खेल मंगलबार गिनीसँग खेल्नेछ र उक्त खेलमा हार टारे समूह्य विजेता नै बन्नेछ ।
शुक्रबार गाम्बियालाई १-० ले पराजित गरेको जिनी ४ अंकसहित समूहको दोस्रो स्थानमा छ ।
पाँच पटकको विजेता क्यामरुनको भने दुई खेलबाट एक अंक मात्र छ । नकआउट चरणमा पुग्न क्यामरुनलाई अन्तिम खेलमा गाम्बियालाई हराउनुपर्नेछ ।
