— डिफेन्डिङ च्याम्पियन सेनेगलले शुक्रबार क्यामरुनलाई ३–१ ले पराजित गर्दै अफ्रिका कप अफ नेसन्सको अन्तिम १६ को यात्रा तय गरेको छ । समूह ‘सी’ मा प्राप्त यस जितपछि सेनेगलको दुई खेलबाट छ अंक भएको छ ।
सेनेगलका लागि इस्माल सर, हबिब डिला र कप्तान साडियो मानेले एक एक गोल गरे । यसै समूहको अर्को खेलमा गिनीले गाम्बियालाई १–० ले हरायो । यो जितपछि गिनीको चार अंक भएको छ र समूहको दोस्रो स्थानमा उक्लेको छ ।
पाँच पल्टको अफ्रिकी विजेता क्यामरुनले भने अब अर्को चरण प्रवेश गर्न अन्तिम खेलमा निश्चित जित हात पार्नु पर्नेछ । क्यामरुन एकै अंकमा सीमित रहेको छ ।
