— चेल्सीले मिडल्सब्रोमाथि ६–१ को सजिलो जित रच्दै मंगलबार लिग कपको फाइनल यात्रा तय गरेको छ । स्टायनफोर्ड ब्रिजमा प्राप्त यस जितसँगै चेल्सीले समग्रमा ६–२ को अग्रता लिएको हो । पहिलो लेगको सेमिफाइनलमा मिडल्सब्रो १–० ले अगाडि रहेको थियो ।
चेल्सीका लागि यसपल्ट पहिलो हाफमा जोनी होसनको आत्मघाती गोलसँगै इन्जो फर्नान्डेज, एक्सेल डेसाइ र कोल पाल्मरले गोल गरे । दोस्रो हाफमा फेरि पाल्मरले एक गोल थपे भने अर्को गोल नोनी माडुकेको नाममा रह्यो ।
लिगमा खराब प्रदर्शन गरिररहेको चेल्सीका लागि फाइनल यात्रा आफ्नो टिममा सुधार ल्याउन राम्रो मोड हुन सक्नेछ । फाइनलमा मउरिसो पोचेटिनाको चेल्सीले लिभरपुल र फुलहमबीच हुने दोस्रो सेमिफाइनल विजेताको सामना गर्नेछ ।
