— मोरक्कोले अफ्रिका कप अफ नेसन्सको बुधबार भएको खेलमा जाम्बियालाई १–० ले हराएको छ । पछिल्ला विश्वकपको सेमिफाइनल पुगेको मोरक्का समूह ‘एफ’ को शीर्षमा रह्यो ।
अफ्रिका कप अफ नेसन्स : मोरक्कोले जित्दा आयोजक आइभरी कोस्टलाई फाइदा
समूहको अर्को खेलमा तान्जानिया कंगोसँग गोलरहित बराबरी खेल्यो । मोरक्कोको जितले आयोजक आइभरीकोस्टलाई भने फाइदा भएको छ ।
जाम्बियाले यो खेलमा एक अंक बटुलेको भए आइभरी कोस्ट अन्तिम १६ पुग्नबाट रोकिने थियो । समूह ‘ई’ को खेलमा भने नामिबिया र माली तथा दक्षिण अफ्रिका र ट्युनेसियाले गोलरहित बराबरी खेले । यससँगै प्रतियोगिताको लिग चरणका खेल सकिएका छन् र क्वाटरफाइनल समीकरण पूरा भएको छ ।
त्यस अनुसार अब एन्गोलाले नामिबिया, नाइजेरियाले क्यामरुन, इक्वेटोरियल गिनीले गिनी, इजिप्टले कंगो, केप भार्डेले मउरटानिया, सेनेगलले आइभरीकोस्ट, मालीले बुर्किना फासो तथा मोरक्कोले दक्षिण अफ्रिकाको सामना गर्नेछ ।
