मुख्य समाचार
आइफोन चोरीबाट बचाउन एप्पलले ल्यायो नयाँ फिचर
आइफोन चोरीबाट बचाउन एप्पलले ल्यायो नयाँ फिचर

एप्पलले आफ्ना आइफोन प्रयोगकर्ताहरुको आवश्यकतालाई मध्यनजर गरी अपरेटिङ सिस्टमको नयाँ अपडेट जारी गरेको छ ।

आइओएस १७.३ को उक्त अपडेटमा एउटा विशेष फिचर छ, जसको नाम हो Stolen Device Protection ।

यो फिचरको मद्दतले प्रयोगकर्ताले आफ्नो आइफोनमा सुरक्षाको अतिरिक्त तह प्राप्त गर्नेछन् जब अरु कसैले आइफोनको संवेदनशील सेटिङमा पहुँच प्राप्त गर्ने तथा परिवर्तन गर्ने कोसिस गर्दछ । जस्तै, यदि कसैले अरुको फेला पारेको आइफोनमा एप्पल कि चेनबाट संग्रहित पासवर्ड प्राप्त गर्‍यो भने उसले फोनमा फिंगरप्रिन्ट वा फेस रिकगिनसनमार्फत् आफू उक्त आइफोनको वास्तविक धनी भएको कुरा प्रमाणित गर्नुपर्ने हुन्छ । त्यसैले चोरले तपाईंको आइफोन र पासकोड प्राप्त गरेता पनि उसले फोनको सेटिङ परिवर्तन गर्न सक्दैन।

आइफोन प्रयोगकर्ता आफ्नो परिचित ठाउँबाट अन्जान ठाउँमा जाँदा यो फिचर सक्रिय हुन्छ । उदाहरणका लागि यदि तपाईं दैनिक रुपमा घरबाट कार्यालय तथा कार्यालयबाट घर जानुहुन्छ भने त्यो परिचित स्थान अर्थात् फेमिलियर लोकेसन हो ।

आइओएस १७.३ को यो फिचर त्यसबेला सक्रिय हुन्छ जब तपाईं यस्तो परिचित स्थान बाहेका ठाउँमा जानुहुन्छ । यो फिचर सक्रिय भएसँगै फोनमा डबल अथेन्टिकेसन लगायतका विभिन्न नयाँ फिचरहरु सक्रिय हुनेछन् । स्मरण रहोस् जरुरी जानकारीहरु तथा पासवर्ड आदि परिवर्तन गर्नका लागि डबल अथेन्टिकेसनको आवश्यकता पर्दछ ।

यो फिचर त्यसबेला निकै उपयोगी सावित हुनेछ जब तपाईंको स्मार्टफोन चोरी हुनेछ । यो फिचरसँगै अब तपाईंको आइफोन चोरी भयो वा हरायो भने फेला पार्ने व्यक्तिले त्यसको पासवर्ड आदि बदल्न सक्दैन । यो फिचरले आइफोनमा रहेका संवेदनशील जानकारीहरुलाई सुरक्षित राख्दछ ।

स्टोलन डिभाइस प्रोटेक्सन फिचर सक्रिय हुनुको अर्को फाइदा योपनि छ कि नयाँ लोकेसनमा बायोमेट्रिकको प्रयास एकपटक असफल भएपछि प्रयोगकर्ताले दोस्रो बायोमेट्रिकका लागि करीब एक घण्टा कुर्नुपर्ने हुन्छ ।

एप्पलले यो फिचर ल्याउनुको उद्देश्य आइफोनको चोरी हुने तथा हराउने समस्याबाट बँचाउनु हो ।

कसरी सक्रिय बनाउने यो फिचर ?

आइफोनमा आइओएस १७.३ अपरेटिंग सिस्टम अपडेट गरेपछि प्रयोगकर्ताले यो फिचर सक्रिय बनाउन सक्दछन् । यसका लागि Settings app मा जाने । त्यसपछि Face ID & Passcode मा स्क्रोलडाउन गरी Stolen Device Protection लाई स्वीचअन गर्नुपर्दछ । यो फिचर आइओएस १७.३ र त्यसपछिका संस्करणमा मात्रै उपलब्ध हुनेछ ।

प्रतिक्रिया दिनुहोस्
अन्य समाचारहरु
ट्विटरको चर्चित ‘नीली चरी’ लोगो ३४,३७५ अमेरिकी डलर (झण्डै ४७ लाख नेपाली रुपैयाँ) मा बिक्री भएको छ। ९ चैत, काठमाडौं । ट्विटरको लामो समयदेखि पहिचान थियो- ‘निली चरी’ लोगो । इलोन मस्कले यसको कम्पनी खरिद गरेपछि ठूलो लोगो लगायत अन्य नीतिहरूमा पनि परिवर्तन आयो। मस्कले ट्विटरको नाम परिवर्तन गर्दै यसलाई ‘एक्स’ बनाएका थिए। त्यसपछि, अमेरिकाको सान ...
— भिडियो सेयरिङ प्लाटफर्म टिकटक बेच्न दबाब दिँदै अमेरिकी राष्ट्रपति डोनाल्ड ट्रम्पले थपेको समयसीमा सकिन दुई साता मात्रै बाँकी छ । यो अवधिमा टिकटक किन्न ओर्‍याकल, वालमार्टजस्ता ठूला प्रविधि कम्पनी अघि सरेका छन् । तर, स्वामित्वकर्ता चिनियाँ कम्पनी बाइटडान्सले टिकटक बेच्नुभन्दा बरु अमेरिकामा व्यवसाय नै बन्द गर्न ज्यादा रुचि देखाएको छ । योसँगै झन्डै १८ करोड प्रयोगकर्तासहित अमेरिकामा लोकप्रिय ...
— चर्चित प्रविधि कम्पनी नोकियाले चन्द्रमामा फोरजी एलटीई मोबाइल नेटवर्क सञ्चालनमा ल्याएको छ । तर यसबाट फोन कल भने हुन नसकेकोमा कम्पनीले खिन्नता प्रकट गरेको छ । नोकियाले चन्द्रमामा आफ्नो नेटवर्क सञ्चालनका केही महत्वपूर्ण पक्षहरूमा सफलता हासिल गरेको विज्ञप्तिमा जनाएको छ । यसमा चन्द्रमाबाट पृथ्वीमा रहेको ग्राउन्ड स्टेसन र मिसन कन्ट्रोल सेन्टरमा सफलतापूर्वक डेटा तथा ...
— जिल्लाका विभिन्न आठ स्थानमा जलविद्युत् उत्पादनको सर्वेक्षण थालिएको छ । विद्युत् विकास विभागले छ वटा नदी तथा खोलाबाट विद्युत् उत्पादन गर्न आठवटा कम्पनीलाई सर्वेक्षण अनुमति दिएसँगै उनीहरुले सर्वेक्षण थालेका हुन् । बूढीगण्डकीमा विद्युत् उत्पादन सर्वेक्षणका लागि दुई कम्पनीले अनुमति पाएका छन् । प्रोकमा ९३ मेगावाट क्षमताको ‘बूढीगण्डकी प्रोक–१ जलविद्युत् आयोजना’ निर्माणका लागि चिलिमे हाइड्रोपावर ...
। दक्षिण कोरियाले चिनियाँ कम्पनी डीपसीकको एआई च्याटबोट डाउनलोड गर्न प्रतिबन्ध लगाएको छ। सरकारी एजेन्सीका अनुसार यो एआई मोडेल दक्षिण कोरियाका मानिसहरूका लागि त्यतिबेला मात्र उपलब्ध हुनेछ जब उक्त कम्पनीले देशको व्यक्तिगत डाटा संरक्षण कानुनको पालना सुनिश्चित गर्नेछ । बीबीसीका अनुसार पछिल्लो हप्ता डीपसीक दक्षिण कोरियामा निकै चर्चित बनेको थियो। एप स्टोरबाट लाखौंले यसलाई डाउनलोड गरिसकेका छन्। डीपसीक ...