— एडेमोला लुकमनको दुई गोलमा नाइजेरियाले क्यामरुनलाई शनिबार २–० ले पराजित गर्दै अफ्रिका कप अफ नेसन्सको क्वार्टरफाइनल यात्रा तय गरेको छ । एटलान्टाका फरवार्ड लुकमनले प्रत्येक हाफमा एक/एक गोल गरे ।
अफ्रिका कप अफ नेसन्सको क्वार्टरफाइनल यात्रा तय गरेपछि नाइजेरियाली फुटबल टिम । तस्बिर : सीएएफ अनलाइन
क्यामरुनका लागि यो नतिजा निराशाजक रह्यो । क्यामरुन पछिल्लो विश्वकपमा पनि लिग चरणबाटै बाहिरिएको थियो । अब नाइजेरियाले अन्तिम आठमा एंगोलाको सामना गर्नेछ ।
एंगोलाले यसअघि नामिबियालाई सजिलै ३–० ले पराजित गर्दै क्वाटरफाइनलमा आफ्नो स्थान सुरक्षित गरेको थियो । एंगोलाका लागि गेल्सन डालाले दुई गोल गरे । खेलको अन्त्यमा दुवै टिम दस/दस खेलाडीमा सीमित रहेको थियो ।
