— लिभरपुलले नरवीचको चुनौती सजिलै ५–२ ले पार लगाउँदै आइतबार एफए कपको पाँचौं चरणको यात्रा निश्चित गरेको छ । व्यवस्थापक योर्गन क्लोपले सिजनको अन्त्यमा क्लब छाड्ने घोषणा गरेयता लिभरपुलको यो पहिलो खेल हो ।
कर्टिस जोन्सको गोलले अग्रता लिएको लिभरपुल नियमित अन्तरमा गोल गर्न सफल रह्यो । प्रतियोगिताका अन्य खेलमा म्यानचेस्टर युनाइटेडले न्युपोर्टलाई ४–२ ले पराजित गर्यो ।
यस्तै उल्भ्सले वेस्ट ब्रुममाथि २–० को जित निकाल्यो भने साउथह्याम्पटन र वाटफोर्डले १–१ को बराबरी खेले । लिभरपुलको अबको प्रतिद्वन्द्वी साउथह्याम्पटन अथवा वाटफोर्डमध्ये एक हुनेछ ।
