— एसियन कपमा डेब्यु गरिरहेको ताजाकिस्तानले टाइब्रेकरमा यूएईलाई ५–३ ले पराजित गर्दै क्वाटरफाइनलको ऐतिहासिक यात्रा तय गरेको छ । अस्ट्रेलिया पछि ताजाकिस्तान अन्तिम आठमा पुग्ने दोस्रो टिम बन्यो ।
प्रतिस्पर्धात्मक १ सय २० मिनेटको खेल १–१ को बराबरीमा टुंगेपछि ताजाकिस्तानका लागि एलिसन सुकुरोभले पेनाल्टी सुटआउटमा निर्णायक गोल गरे । त्यस अगाडि गोलरक्षक रुस्टम याटिमोभले काइओ कनेडोकाको दोस्रो प्रहार बचाएका थिए ।
एसियन कपका पछिल्ला दुई संस्करणको सेमिफाइनल पुगेको यूएई यसपल्ट वरीयतामा आफू भन्दा ४० स्थान मुनिको टिमसँग पराजित रहेर प्रतियोगिताबाट बाहिरियो । अब उनले इराक अथवा जोर्डनमध्ये एक टिमविरुद्ध खेल्नेछ ।
