— दोस्रो रोजाइका गोलरक्षक जो ह्वेन–उ टाइब्रेकरमा नायक सावित भएपछि दक्षिण कोरियाले साउदी अरेबियालाई पराजित गर्दै एसियन कपको क्वाटरफाइनलमा प्रवेश गरेको छ । अब उसको सामना अस्ट्रेलियासँग हुनेछ ।
निर्धारित र अतिरिक्त समयको खेल १–१ को बराबरीमा टुंगेपछि खेल पेनाल्टी सुटआउटमा गएको थियो र त्यसमा दक्षिण कोरिया ४–२ ले विजयी रह्यो । ह्वेन–उले सामी अल–नाजेइ र अब्दुल रहमान घारेबको पेनाल्टी प्रहार जोगाएका थिए ।
योर्गन क्लिन्समनको दक्षिण कोरियाका लागि ह्वाङ हि–चानले पेनाल्टीमा निर्णायक गोल गरे । यसअघि साउदी अरेबियाले अब्दुल्ला रडिफको गोलले अग्रता लिएयता खेलको ९९ औं मिनेटमा चो गुए–सङले बराबरी गोल फर्काएका थिए ।
