— आश्चर्यजनक नतिजाले भरिएको अफ्रिका कप अफ नेसन्समा दक्षिण अफ्रिकाले मंगलबार अर्को स्तब्धपूर्ण नतिजा निकालेको छ र उसले बलियो मोरकोलाई २–० ले पराजित गर्दै अन्तिम आठको यात्रा तय गरेको छ । माली पनि क्वाटरफाइनल पुग्ने अर्को टिम बनेको छ ।
एभिडेन्स माकागोपा र टेबोहो मोनकोनाको गोलले दक्षिण अफ्रिका विश्वकपको सेमिफाइलन पुगेको मोरक्कोमाथि २–० ले विजयी रह्यो । मोरक्कोका लागि अचरफ हाकिमी पेनाल्टीमा गोल गर्न चुके ।
त्यस अगाडि मालीले बुर्किना फासोलाई २–१ ले पराजित गरेको छ । त्यसमा मालीका लागि लासिने सिनायोकोले निर्णायक गोल गरे । उच्च वरीयताका बुर्किना फासो र मोरक्कोसँगै सेनेगल, ट्युनेसिया, अल्जेरिया तथा क्यामरुन प्रतियोगिताबाट बाहिरिइसकेका छन् ।
