— बार्सिलोनाले स्पेनी ला लिगामा बुधबार ओसासुनामाथि १–० को संघर्षपूर्ण जित निकालेको छ । प्रशिक्षका जाभीले सिजनको अन्त्यमा क्लब छाड्ने घोषणा गरेयताको पहिलो खेलमा बार्सिलोना विजयी रहेको हो ।
खेलको एक मात्र गोल भिक्टर रोक्युले गरे र यो बार्सिलोना लागि उनको पहिलो गोल पनि रह्यो । यो जितपछि ४७ अंक भएको छ र चौथो स्थानमा छ । समान अंकमा एटलेटिको म्याड्रिड तेस्रोमा छ । उसले अर्को खेलमा राया भाल्कानोलाई २–१ ले हरायो । जिरोना ५५ र रियल म्याड्रिठ ५४ अंकमा लिग तालिकाको शीर्ष दुईमा रहेका छन् ।
