— लिभरपुलले इंग्लिस प्रिमियर लिगको शीर्ष स्थानमा आफ्नो पकड कायम राख्ने क्रममा बुधबार चेल्सीलाई ४–१ ले हराएको छ । एनफिल्डमा भएको खेलमा २० वर्षीय खेलाडी कोनेरा बार्डली नायक रहे ।
उनले एक गोल गर्दै डिएगो जोटा र डोमिनिक सोबोस्लाइको गोलमा अवसर सिर्जना गरे । यो जितपछि लिभरपुलको २२ खेलबाट ५१ अंक भयो । त्यसको तुलनामा एक खेल कम खेलेको म्यानचेस्टर सिटीको ४६ अंक छ र दोस्रोमा छ ।
सिटीले अर्को खेलमा बर्नलीलाई ३–१ ले हरायो । यस्तै शीर्ष चारमा उक्लने क्रममा टोटनहमले ब्रेन्टफोर्डलाई ३–२ ले हरायो । चेल्सी भने ३१ अंकमा दसौं स्थानमा छ ।
