— इरानले सिरियालाई टाइब्रेकरमा पराजित गर्दै एसियन कपको क्वार्टरफाइनलमा आफ्नो स्थान सुरक्षित गरेको छ । इरान दस खेलाडीमा सीमित रहेर यो जित निकाल्न सफल भएको हो ।
संघर्षपूर्ण १ सय २० मिनेटको खेल १–१ को बराबरीमा रहेको थियो । त्यसपछिको पेनाल्टी सुटआउटमा इरान ५–३ ले विजयी रह्यो । इरानका लागि गोलरक्षक एलिरेजना बेराभान्डले एक प्रहार जोगाए ।
त्यसपछि इरानका कप्तान इसान हाजसफिले निर्णायक गोल गरे । अब अन्तिम आठमा इरानले जापानको सामना गर्नेछ । अन्य क्वार्टरफाइनल खेलमा ताजकिस्तानले जोर्डन, अस्ट्रेलियाले दक्षिण कोरिया तथा कतारले उज्वेकिस्तानसँग खेल्नेछ ।
