— आइभरी कोस्टले अतिरिक्त समयको अन्त्यतिर गरेको गोलमा मालीलाई २–१ ले पराजित गर्दै अफ्रिका कप अफ नेसन्सको सेमिफाइनलमा स्थान सुरक्षित गरेको छ । यस्तै दक्षिण अफ्रिकाले टाइब्रेकरमा केप भार्डेलाई २–१ ले हरायो र अन्तिम चारमा पुग्यो ।
आयोजक आइभरी कोस्टका लागि ओमर डिकेटले १ सय २२ औं मिनेटमा निर्णायक गोल गरे । खेलको अन्त्यमा आइभरी कोस्ट नौ र माली दस खेलाडीमा सीमित रहेको थियो ।
दक्षिण अफ्रिका र केप भार्डेबीचको खेलको निर्धारित र अतिरिक्त समय गोलरहित बराबरीमा रहेको थियो । त्यसपछिको पेनाल्टी सुटआउटमा दक्षिण अफ्रिकाका लागि कप्तान पनि रहेका रोनवेन विलियम्सले चार बचाउ गरे । अब सेमिफाइनलमा नाइजेरियाले दक्षिण अफ्रिका तथा आइभरी कोस्टले कंगोको सामना गर्नेछ ।
