— सन ह्वेङ–मिनले अतिरिक्त समयमा गरेको गोलको मदतले दक्षिण कोरियाले अस्ट्रेलियालाई शुत्रबार २–१ ले पराजित गर्दै एसियन कप २०२३ को सेमिफाइनल प्रवेश गरेको छ । अब उसको सामना जोर्डनसँग हुनेछ । दक्षिण कोरियाले एसियाली फुटबलको सबैभन्दा ठूलो प्रतियोगिता नजितेको ६४ वर्ष भइसकेको छ ।
अस्ट्रेलियाले क्रेग गुडविनको गोलले अग्रता लिएको थियो र टिम जितको संघारा पुगेको थियो । तर ह्वाङ हि–चानले निर्धारित ९० मिनेटको खेल सकिने केही समय मात्र बाँकी हुँदा बराबरी गोल फर्काए । त्यसपछि टोटनहमका दक्षिण कोरियाली कप्तान ह्वेङ–मिनले निर्णायक गोल गरेका हुन् ।
जितपछि ह्वेङ–मिनले दक्षिण कोरियाका लागि उपाधि जित्नु बाहेकको अर्को नतिजा असफलता हुने दाबी गरे । ‘हामी कुनै प्रकारको बहाना चाहँदैनौं र जित एक मात्र विकल्प रहेको छ । हामी प्रतियोगिताको ट्रफि घर लैजान चाहन्छौं ।’ जोर्डनले यसअघि ताजाकिस्तानलाई हराएको थियो ।
