— इन्टर मिलानले इटालीको सिरी ए के उपाधि होड आफ्नो पकडमा राखेको छ र यसका लागि उसले आइतबारको खेलमा नजिकको आफ्नो प्रमुख प्रतिद्वन्द्वी युभेन्ट्सलाई १–० ले हरायो ।
खेल सकिन आठ मिनेट अगाडि फेडरिको गटीले गरेको आत्मघाती गोल नै इन्टरको जितका लागि पर्याप्त रह्यो । यो जितपछि इन्टरको ५७ अंक भएको छ र शीर्षमा चार अंकको ठोस अग्रता लिएको छ ।
हारपछि युभेन्ट्स ५३ अंकमा दोस्रो स्थानमा रह्यो । अन्य खेलमा नेपोलीले भेरोनालाई २–१र एटलान्टाले लाजियोलाई ३–१ ले हरायो । एटलान्टा यो जितपछि ३९ अंकमा चौथो स्थानमा रह्यो ।
