— एट्लेटिको म्याड्रिडले दोस्रो हाफको इन्ज्युरी समयको तेस्रो मिनेटमा गोल गर्दै स्पेनी ला लिगामा रियल म्याड्रिडलाई १–१ को बराबरीमा रोकेको छ । मार्कोस लोरेन्टले एट्लेटिकोका लागि बराबरी गोल गरेका हुन् ।
त्यस अगाडि ब्राहिम डियाजको गोलले रियलले पहिलो हाफमा अग्रता लिएको थियो । यो नतिजापछि रियल ५८ अंकमा शीर्ष स्थानमा रह्यो । उसको पछाडि जिरोना ५६ अंकमा छ ।
एट्लेटिको भने ४८ अंकमा चौथोमा रह्यो । आइतबारका अन्य खेलमा भिल्लारियल र काडिजले गोलरहित तथा रियल बेटिस र गेटाफेले १–१ को बराबरी खेले । सेल्टा भिगोले भने ओसासुनालाई ३–० ले हरायो ।
