— न्युजिल्यान्डले दक्षिण अफ्रिकाविरुद्धको पहिलो टेस्टको तेस्रो दिन मंगलबार ठूलो अग्रता लिएको छ । दिनको खेल समाप्त हुँदा न्युजिल्यान्डले आफ्नो दोस्रो इनिङ्समा चार विकेट गुमाएर १ सय ७९ रन बनाएको छ । यो समग्रमा ५ सय २८ रनको ठूलो अग्रता हो । घरेलु टिमका लागि टम ब्लन्डेल पाँच र ड्यारल मिचेल ११ रन बनाएर खेलिरहेका छन् ।
त्यसमा कप्तान केन विलियमसनले १ सय ९ रनको शतकीय इनिङ्स खेले । उनले पहिलो इनिङ्समा पनि शतक बनाएका थिए । यसरी उनी दुवै इनिङ्समा शतक बनाउन सफल रहे । त्यस अगाडि दक्षिण अफ्रिका १ सय ६२ रनमा अलआउट भएको थियो । तर न्युजिल्यान्डले उसलाई फलो–अनका लागि भने बाध्य पारेन् र आफ्नै ब्याटिङमा उत्रेको थियो ।
दक्षिण अफ्रिकाका लागि किगन पिटरसनको ४५ रन नै व्यक्तिगत उच्च स्कोर रह्यो । न्युजिल्यान्डका बलमरध्ये म्याट हेनरी र मिचेल सान्टेनरले तीन तीन विकेट लिए । टेस्टमा दुई दिन बाँकी छँदा अब दक्षिण अफ्रिका हारबाट जोगिन संघर्षरत रहनेछ । न्युजिल्यान्डले भने आफ्नो पहिलो इनिङ्समा ५ सय ११ रन बनाएको थियो ।
