— अहिलेको गतिमा काम भइरहे सन् २०६२ अघि दिगो विकास लक्ष्यहरु (एसडीजी) प्राप्त गर्न नसकिने जनाइएको छ । संयुक्त राष्ट्र संघकै तर्फबाट बिहीबार जारी भएको प्रतिवेदनमा अहिलेको गतिमा जाँदा प्रतिवेदनले यूएनले राखेको भन्दा ३२ वर्षपछि मात्र लक्ष्य पूरा हुने भएको उल्लेख छ । सन् २०३० मा पूरा गर्न भन्दै एसडीजीलाई सन् २०१६ बाट अघि बढाएको हो ।
१७ वटा दिगो विकासका लक्ष्यहरु (एसडीसी) मा एसिया र प्रशान्त क्षेत्रका ५ उपक्षेत्रहरुमा असमान र अपर्याप्त प्रगति रहेको प्रतिवेदन सार्वजनिक भएको छ । संयुक्त राष्ट्र संघ (यूएन) को एसिया र प्रशान्त क्षेत्रका लागि आर्थिक र सामाजिक आयोग (इस्क्याप) द्वारा बिहीबार सार्वजनिक गरिएको प्रतिवेदनमा ती क्षेत्रहरुमा गरिबी र असमानताको स्तर निर्धारण गर्न लिंग र स्थान प्रमुख कारण रहेको उल्लेख छ ।
यूएनका उपमहासचिव तथा इस्क्यापका कार्यकारी सचिव अर्मिडा साल्सियाह अलिसजाहबानाले समान रुपमा विशेष परिस्थितिमा मुलुकहरु बीचमा दिगो विकासको प्रगतिमा भिन्नता भएको बताइन् । उनले भनिन्, ‘विशेषगरी साना प्यासिफिक टापुका विकासोन्मुख मुलुकहरु र अरु क्षेत्रले अन्तर्राष्ट्रिय, क्षेत्रीय र राष्ट्रिय सहयात्रीहरुमा स्पष्ट प्रतिक्रिया माग गर्दछ ।’
एसिया तथा प्रशान्त एसडीजीको प्रगति प्रतिवेदन–२०२४ ले लिंग, सहरीकरण, शिक्षास्तर, उमेर र आयले विद्यमान असमानतालाई कसरी योगदान पुर्याउने बारेमा उल्लेख छ । यस क्षेत्रमा गरिबी उन्मूलन (लक्ष्य १) र दिगो उद्योग, नवप्रवर्तन र पूर्वाधार (लक्ष्य ९) लाई प्रवर्द्धन गर्ने दिशामा सकारात्मक कदम चालिएको छ भने अन्य महत्वपूर्ण क्षेत्रमा प्रगति सामान्य रहेको प्रतिवेदनमा उल्लेख छ ।
भोक कम गर्ने प्रयास (लक्ष्य २), स्वास्थ्य र कल्याण लक्ष्य ३), सफा पानी र सरसफाइको उपलब्धता सुनिश्चित गर्ने (लक्ष्य ६), किफायती र स्वच्छ ऊर्जाको विस्तार (लक्ष्य ७) र दिगो सहर र समुदायहरूको निर्माण (लक्ष्य ११) कम उच्चारण गरिएको छ र उच्च ध्यान चाहिने प्रतिवेदनमा भनिएको छ ।
यूएन इस्क्याप, एसिया र प्रशान्तको एसडीजी प्रतिवेदनद्वारा ल्याइएको वार्षिक प्रकाशनले यस क्षेत्रमा थप प्रयासको आवश्यकता छ र भविष्यको प्रगतिको लागि गति कहाँ निर्माण भइरहेको छ भनेर निर्धारण गर्न विश्वव्यापी एसडीजी सूचकहरूको लागि नवीनतम डाटा महत्वपूर्ण हुने उल्लेख छ ।
