। सिरो इम्मोबाइलको पेनाल्टी गोल मद्दतमा इटालियन क्लब लाजियोले जर्मन क्लब बायर्न म्युनिखलाई च्याम्पियन्स लिगको अन्तिम १६ को पहिलो खेलमा पराजित गरेको छ ।
दश खेलाडीमा समेटिएको बायर्नलाई लाजियोले १-० ले हराएको हो । लाजियोका लागि सिरो इम्मोबाइलले ६९औं मिनेटमा पेनाल्टीमा गोल गरे ।
लाजियोको मैदानमा भएको खेलको पहिलो हाफ गोलरहित बराबरीमा सकिएको थियो । तर दोस्रो हाफको लाजियवले पेनाल्टीमा पायो र त्यसैमा गोल गरी पहिलो लेगमा अग्रता लिन सफल भयो ।
बायर्नका डायट उपामेकानोले ६७औं मिनेटमा गस्ताभ इसाकेसेनलाई फल गरेपछि रेफ्रीले उपामेकानोलाई सिधै रातो कार्ड देखाउँदै लाजियोलाई पेनाल्टी दिएका थिए । जसमा इम्मोबाइलले कुनै गल्ती गरेनन् । बायर्नका गोलकिपर मानुएल नोएले पेनाल्टी रोक्ने अवसर नै पाएनन् ।
त्यसपछि लाजियोले बायर्न दश खेलाडी हुँदा पनि गोल थप्न भने सकेन ।
इंग्लिस स्ट्रायकर ह्यारी केन जस्ता स्टार खेलाडी भएपनि पछिल्लो समय बायर्नले सोचे अनुसार नतिजा ल्याउन सकेको छैन । गत शनिवार लिगमा बायर्न बायर लेभरकुजनसँग ३-० ले पराजित भएको थियो ।
