थाइल्याण्डका पूर्वप्रधानमन्त्री थाक्सिन सिनावात्रालाई रिहा गरिएको छ । रिहा भएपछि उनी बैंककस्थित आफ्नो घर पुगेका छन्।
सिनावात्रालाई भ्रष्टाचार र शक्तिको दुरुपयोग गरेको आरोपमा एक वर्षको जेल सजाय सुनाइएको थियो । यसै क्रममा उनलाई जेल अस्पतालमा भर्ना गरिएको थियो। त्यहाँबाट उनी रिहा भएका हुन्। स्वास्थ्यमा समस्या देखिएको कारणले उनले एक दिन पनि जेल बस्नु परेन ।
७४ वर्षीय अर्बपति सिनावात्रा १५ वर्षको आत्मनिर्वासनपछि थाइल्याण्ड फर्किएपछि गत वर्ष अगस्टमा हिरासतमा परेका थिए । स्व-निर्वासनबाट फर्केको केही दिनपछि थाइल्याण्डका राजाले उनको आठ वर्षको जेल सजाय घटाएर एक वर्ष गरेका थिए।
उनलाई दिइएको यो छुटको निकै आलोचना भएको थियो । थाइल्यान्डका जनताले देशका धनी र सुविधाप्राप्त व्यक्तिलाई छुट दिएको भन्दै विरोध गरेका छन्। बीबीसी
