: नेपाल क्रिकेट संघ (क्यान)ले क्रिकेट खेलाडीहरूको ग्रेड छुट्याएको छ। क्यानले पुरुषतर्फ ३० जना र महिलातर्फ १९ जना खेलाडीको ग्रेड छुट्याएको हो। ए, बी, सी, डी र इमर्जिङ क्याटोगरी गरी पाँच वर्गमा छुट्याइएको महिला खेलाडीहरूको तलब पनि ५० हजार पुर्याइएको छ।
एमा पर्ने महिला खेलाडीको मासिक तलब मूल्य ५० हजार हुने क्यानका सचिव पारस खड्काले जानकारी दिएका छन्। बीका खेलाडीलाई ३५ हजार, सीका खेलाडीलाई ३० हजार, डीका खेलाडीलाई २५ हजार र इमर्जिङ क्याटोगरीलाई २० हजार मासिक तलब तोकिएको हो।
ए महिला टोलीका कप्तान इन्दु बर्मा, रुबिना क्षेत्री र सीता राना मगर छन् भने बीमा कविता कुँवर छिन्। त्यस्तै सीमा पुजा महतो र अश्मिना कर्माचार्य छन् भने डीमा अप्सरी बेगम, कविता जोशी, संगिता राई, काजोल श्रेष्ठ र बिन्दु रावल छन्।
इमर्जिङ क्याटोगरीमा सोनी पाख्रिन, खुसी डंगोल, ज्योत्सनिका मरासिनी, कन्चन श्रेष्ठ, रुबि पोदार, सृस्टि जैसी, सम्झना कुमारी खड्का र सना प्रविन छन्।
