: नेपालले हङकङमा टी-२० सिरिज खेल्ने भएको छ। हङकङमा फागुन २७ देखि हुने त्रिदेशीय सिरिजमा नेपाल खेल्ने भएको हो। प्रतियोगितामा पीएनजीको पनि सहभागिता रहनेछ।
नेपाल क्रिकेट संघले उक्त प्रतियोगताको तालिका सार्वजनिक गरेको छ। जसमा नेपालले हङकङसँग फागुन २६ गते मैत्रीपूर्ण खेलबाट प्रतियोगिता सुरुवात गर्नेछ।
नेपालले पहिलो खेल हङकङसँगै फागुन २७ गते खेल्नेछ। दोस्रो खेल पीएनजीसँग फागुन २९ गते र शीर्ष दुई टोली फागुन ३० गते फाइनल खेल्नेछ।
नेपालले अमेरिका र वेस्ट इन्डिजमा हुने टी-२० विश्वकपको तयारीस्वरुप उक्त खेल्ने क्यानले बताएको छ। नेपालमा जारी नेदरल्यान्ड्स र नामिबिया सम्मिलित त्रिकोणात्मक सिरिजको फाइनल खेल मंगलबार हुनेछ। नेपालले दुई खेल जितेर फाइनल यात्रा सुनिश्चित गरेको छ भने आइतबार हुने खेलबाट नेदरल्यान्ड्स र नामिबियामध्ये एक टोली फाइनल पुग्नेछ।
