: केपी ओली कपको उपाधि मछिन्द्र क्लबले जितेको छ। त्रिपुरेश्वरस्थित फुटबल रंगशालामा भएको फाइनल खेलमा एनआरटीलाई टाइब्रेकरमा ५-४ गोलले हराएको हो।
टाइब्रेकरमा मछिन्द्रले ५ गोल गर्न सफल भए भने एनआरटीले अन्तिम बलमा चुकेको थियो। निर्धारित समयको खेल बराबरीमा रोकिएपछि खेल टाइब्रेकरमा पुगेको थियो।
यसअघि एनआरटीले जावलाखेललाई ३-० गोल र मच्छिन्द्रले भारतीय क्लब मानेभञ्ज्याङलाई ५-० को फराकिलो अन्तरले हराउँदै फाइनल पुगेको थियो।
केपी ओली कप जित्दै मछिन्द्रले ११ लाख रुपैयाँसहित ट्रफी पाएको छ भने उपविजेतामा सीमित भएका एनआरटीले पाँच लाख रुपैयाँ पाएको हो।
