: काठमाडौंमा जारी साफ यु-१६ महिला च्याम्पियनसिपमा नेपाल बंगलादेशसँग पराजित भएको छ।
ललितपुरको सातदोबाटोस्थित एन्फा कम्प्लेक्समा शनिबार भएको खेलमा नेपाल बंगलादेशसँग २-० गोल अन्तरले पराजित भएको हो। बंगलादेशको जितमा सौरभी प्रितीले दुवै गोल गरिन्।
खेलको २५औं मिनेटमा उनले बंगलादेशलाई सुरुवाती अग्रता दिलाएकी थिइन्। त्यस्तै पेनाल्टीमार्फत् ३१औं मिनेटमा उनले बंगलादेशका लागि दोस्रो गोल गरिन्।
अब नेपालले दोस्रो खेल फागुन २१ गते भुटानसँग खेल्ने छ। लिगचरणको अन्तिम खेल नेपालले फागुन २४ गते भारतसँग खेल्ने छ। शीर्ष दुई टोलीले उपाधिका लागि प्रतिस्पर्धा गर्ने एन्फाले जनाएको छ।
