— स्पेनी लिग ‘ला लिगा’ का अध्यक्ष जभियर टेबास मेड्रानोले नेपाल भ्रमण गर्ने भएका छन् । उनले नेपाली महिला र पुरुष फुटबल विकासमा नेपालसँग मिलेर सहकार्य गर्ने उल्लेख गरेका छन् ।
स्पेनका लागि नेपाली राजदूत शर्मिला पराजुली ढकालसँग म्याड्रिडमा भएको भेटवार्तामा राजदूत पराजुलीले अध्यक्ष मेड्रानोलाई नेपाल भ्रमणको निम्तो दिएकी थिइन् ।
उक्त अवसरमा मिति तय गरेर छिट्टै नेपालको भ्रमण गर्ने प्रतिबद्धता अध्यक्ष मेड्रानोले गरेका थिए । भेटमा राजदूत पराजुलीले युवाहरूको विकासको लागि खेलकुद महत्त्वपूर्ण रहेको बताएको स्पेनस्थित नेपाली दूतावासले जनाएको छ ।
