एन्डरसन बने ७ सय टेस्ट विकेट लिने पहिलो पेसर

— इंग्ल्यान्डका जेम्स एन्डरसन शनिबार टेस्ट क्रिकेटमा ७ सय विकेट लिने पहिलो पेस बलर भएका छन् । उनी ७ सय टेस्ट विकेट लिने तेस्रो बलर मात्रै हुन् । भारतविरुद्ध चलिरहेको पाँचौं टेस्टमा कुलदीप यादवको विकेट लिएपछि एन्डरसनले यो कोशेढुंगा उपलब्धी छोएका हुन् ।

पछिल्लो दुई दशकयता सक्रिय त्रिकेट खेलिरहेका ४१ वर्षीय एन्डरसनले अहिले इंग्ल्यान्डका लागि कीर्तिमान १ सय ८७ औं टेस्ट खेलिरहेका छन् । उनले टेस्टको तेस्रो दिन कुलदीपको विकेट लिएका हुन् ।

टेस्ट क्रिकेटमा उनीभन्दा बढी दुई बलरले मात्र विकेट लिएका छन् । त्यसमा मुथैया मुरलिधरनले आठ सय र सेन वार्नले ७ सय ८ विकेट लिएका छन् । यी दुवै स्पिनर हुन् । एन्डरसनपछि बढी टेस्ट विकेट लिनेमा इंग्ल्यान्डकै स्टुवार्ट ब्रोड रहेका छन् । इंग्ल्यान्डका ब्रोडले ६ सय ४ विकेट लिएका छन् । एन्डरसन र ब्रोड मात्रै ६ सय विकेटभन्दा बढी लिने पेस बलर हुन् ।

उनीहरूका पछाडि अस्ट्रेलियाली पेसर ग्लेन म्याकग्राले सर्वाधिक ५ सय ६३ टेस्ट विकेट लिएका छन् । फास्ट बलरका रूपमा एन्डरसनले यति धेरै टेस्ट खेल्नु र विकेट लिनुलाई विश्व क्रिकेटमा अद्वितीय मानिन्छ ।

प्रतिक्रिया दिनुहोस्

अन्य समाचारहरु

टी-२० आई श्रृङ्खलाको उपाधिका लागि नेपालले आज कुवेतसँग खेल्दै

: हङकङमा जारी चार देशीय टी-२० आई श्रृङ्खलाको उपाधिका लागि नेपालले आज कुवेतसँग खेल्दैछ। अङ्क तालिकाको शीर्ष स्थानमा रहेको नेपालले दोस्रो स्थानमा रहेको कुवेतसँग फाइनल खेल्नेछ। फाइनल खेल नेपाली समय अनुसार ११:१५ मा सुरु हुनेछ। नेपालले पहिलो खेलमा कतारलाई ८ विकेटले पराजित गरेको थियो। दोस्रो खेलमा नेपालले कुवेतलाई ६ विकेटले हराउँदा तेस्रो खेल नतिजाविहीन बनेको थियो। नेपाल ...

यू-१९ विश्वकप एसिया क्वालिफायर : नेपालले युएइसँग खेल्दै

: आइसिसी यू-१९ विश्वकप एसिया क्वालिफायर आजदेखि नेपालमा सुरु हुँदैछ। मूलपानीको तल्लो र माथिल्लो दुई मैदानमा खेल सञ्चालन हुनेछ। आज तल्लो मूलपानीमा नेपालले युएइसँग खेल्नेछ। खेल बिहान ९ बजेबाट सुरु हुनेछ। माथिल्लो मूलपानीमा अफगानिस्तान र ओमानले खेल्नेछन्। क्वालिफायरमा पाँच टिम नेपाल,हङकङ, अफगानिस्तान, युएइ र ओमानले सहभागिता जनाउनेछन्। आगामी वर्ष जिम्बाब्वे र नामिबियामा हुने यू-१९ विश्वकपको लागि ...

दशौँ राष्ट्रिय खेलकुद नहुने

। आगामी वर्ष जेठमा कर्णाली प्रदेशमा तय भएको दशौँ राष्ट्रिय खेलकुद नहुने भएको छ । दोस्रो पटक मिति सार्दै २०८२ साल जेठ ३ देखि १० गतेसम्म कर्णालीमा दशौँ राष्ट्रिय खेलकुद हुने तय थियो । तर यो आर्थिक वर्षमा अब दशौँ नहुने पक्का भएको छ । शुक्रबार युवा तथा खेलकुद मन्त्रालयमा जारी राष्ट्रिय खेलकुद परिषदको बोर्ड बैठकमा ...

कोलकाताको तेस्रो जित, चेन्नईको लगातार पाँचौं हार

। कोलकाता नाइट राइडर्सले इन्डियन प्रिमियर लिग (आईपीएल) क्रिकेटमा तेस्रो जित निकाल्दा चेन्नई सुपर किङ्सले लगातार पाँचौं हार बेहोरेको छ । शुक्रबार चेन्नईमाथि ८ विकेटको सहज जित दर्ता गर्दै कोलकाताले ६ खेलमा तेस्रो जित निकालेको हो । चेन्नईले दिएको १०४ रनको सामान्य लक्ष्य कोलकाताले १०.१ ओभरमा २ विकेटको क्षतिमा पूरा गर्‍यो । कोलकाताका लागि सुनिल नरायनले सर्वाधिक ...

ओलम्पिकमा क्रिकेटमा पुरुष र महिलातर्फ ६-६ राष्ट्रलाई सहभागी गराइने निर्णय

: सन् २०२८ मा अमेरिकामा हुने ओलम्पिकमा क्रिकेट खेलाइने भएको छ। जसमा पुरुष र महिलातर्फ ६-६ राष्ट्रलाई सहभागी गराइने निर्णय भएको छ। प्रत्येक टोलीमा १५ जनासम्म खेलाडी राख्न पाइने व्यवस्था गरिएको छ। ओलम्पिकमा पुग्ने छनोट प्रक्रियाबारे भने केही खुलाइएको छैन। क्रिकेट बोर्ड आइसीसीले ओलम्पिकलाई उक्त खेलहरू टी-२० फर्म्याटमा खेलाउन सुझाव दिएको छ। यस विषयमा निर्णय भने ...