— म्यानचेस्टर सिटीले शनिबार न्युकासल युनाइटेडलाई सजिलै २–० ले पराजित गर्दै एफएकपको सेमिफाइनल यात्रा तय गरेको छ । इतिहाडमा प्राप्त जितपछि पेप ग्वार्डिओलाको टिमसामु गत वर्ष तीन उपाधि जितेको उपलब्धी दोहोर्याउने अवसर कायम रहेको छ ।
सिटीले पछिल्लो सिजन घरेलु लिग र कपसँगै युरोपेली च्याम्पियन्स लिग जितेको थियो । न्युकासलमाथिको जितमा भने दुवै गोल बर्नाडो सिल्भाले पहिलो हाफमा गरे ।
कभेन्ट्रीले पनि अन्तिम चारमा प्रवेशका लागि उल्भ्सलाई ३–२ ले हरायो । च्याम्पिनयसिप क्लब कभेन्ट्रीले दोस्रो हाफको इन्ज्युरी समयमा दुई गोल गर्दै क्लब इतिहासमै दोस्रो पल्ट मात्रै सेमिफाइलन यात्रा निश्चित गरेको थियो ।
