— बार्सिलोनाले स्पेनी ला लिगामा आइतबार एटलेटिको म्याड्रिडमाथि उत्साहवर्द्धक ३–० को जित निकाल्नै अंक तालिकाको दोस्रो स्थानमा आफ्नो पकड बलियो बनाएको छ । यो जितपछि बार्सिलोनाको ६४ अंक भएको छ ।
यो तेस्रो स्थानमा रहेको जिरोनामाथि दुई अंकको अग्रता हो । हारले एटलेटिको भने पाँचौं स्थानमा रह्यो र यो सिजन घरेलु मैदानमा उसको यो पहिलो हार हो । एथलेटिक बिलबाओ चौथोमा छ ।
बार्सिलोनाको जितमा जाओ फेलिक्स, रोबर्ट लेवनडोस्की र फेरमिन लोपेजले गोल गरे । आइतबारका अन्य खेलमा सेल्टा भिगोले सेभियालाई २–१, आल्मेरियाले लास पाल्मासलाई १–०, भिल्लारियलले भ्यालेन्सियालाई १–० र रायो भाल्कानोले रियल बेटिसलाई २–० ले हरायो ।
