। युरोपा लिग क्वाटरफाइनलको पहिलो लेगमा लिभरपुल घरेलु मैदानमै इटालियन क्लब एटलान्टासँग ३-० ले पराजित भएको छ ।
घरेलु मैदानमै अप्रत्यासित हार बेहोरेको लिभरपुलका लागि अर्को चरण पुग्न अब ठूलो पहाड चढ्नुपर्नेछ ।
एटलान्टालाई सानदार जित दिलाउन वेष्टहमका पूर्व फरवार्ड जियानलुका स्कामाक्काले ३८औं र ६०औं मिनेटमा गोल गरे । यस्तै चेल्सीका पूर्व खेलाडी समेत रहेका मारियो मासालिकले ८३औं मिनेटमा गोल थपे ।
लिभरपुलका लागि डार्विन नुनेजले दुई राम्रो अवसर गुमाए । यस्तै बेन्चबाट खेल सुरु गरेका मोहमद सालाहलको प्रहार युवान मुस्सोले बचाएका थिए ।
अवे लेगमा प्राप्त जितपछि एटलान्टा सेमिफाइनल पुग्न दाबेदार बनेको छ । दोस्रो लेगको खेल अर्को साता एटलान्टाको घरेलु मैदानमा हुनेछ ।
यस खेलको विजेताले सेमिफाइनलमा बेनफिका वा मार्सेमध्ये एकसँग खेल्नेछ ।
बेनफिकाले पहिलो लेगमा घरेलु मैदानमा मार्सेलाई २-१ ले पराजित गरेको थियो ।
क्वाटरफाइनल पहिलो लेगको अन्य खेलमा इटालियन क्लबको भिडन्तमा रोमाले एसी मिलानलाई १-० ले तथा जर्मन क्लब बायर लेभरकुजनले इंग्ल्स क्लब वेष्टहम युनाइटेडलाई २-० ले पराजित गरेको छ ।
