— इंग्लिस प्रिमियर लिगमा म्यानचेस्टर युनाइटेडले शनिबार बर्नमाउथसँग २–२ को बराबरी खेलेको छ । ब्रुनो फर्नान्डेजले दुई गोल गरेपछि बर्नमाउथको घरेलु मैदानमा युनाइटेड एक अंक बटुल्न असफल भएको हो ।
तर यस नतिजासँगै युनाइटेडको जितहीन यात्रा चार खेल पुगेको छ । युनाइटेड ५० अंकमा सातौं स्थानमा छ । उसको छिमेकी म्यानचेस्टर सिटी भने ७३ अंकमा शीर्ष स्थानमा छ र शनिबारको अर्को खेलमा सिटीले लुटन टाउनलाई ५–१ ले हरायो ।
यस्तै न्युकासल युनाइटेडले टोटनहमलाई ४–० र ब्रेन्टफोर्डले सेफिल्ड युनाइटेडलाई २–० ले हरायो । नटिङघम फरेस्ट र उल्भ्सल पनि २–२ को बराबरी खेले ।
