— आईपीएल डिफेन्डिङ च्याम्पियन चेन्नई सुपर किंग्सले आइतबार सनराइजर्स हैदराबादलाई सजिलै ७८ रनले पराजित गरेको छ । जितसँगै ९ खेलबाट १० अंकसहित चेन्नई तेस्रो स्थानमा उक्लिएको छ । हैदराबाद समान १० अंकसहित चौथो स्थानमा छ ।
पहिले ब्याटिङ गरेको चेन्नईका लागि कप्तान ऋतुराज गायकवाडले ५४ बलमा ९८ रन बनाए । उनले दस चौका र तीन छक्का प्रहार गरे । चेन्नईले तीन विकेट गुमाएर २ सय १२ रन बनाएको थियो ।
जवाफमा हैदराबाद १८.५ ओभर मात्र टिक्यो र १ सय ३४ रन बनाएर अलआउट भयो । तुशार देसपान्डेले २७ रन खर्चेर चार विकेट लिए र हैदराबादले कुनै पनि समय बलियो चुनौती पेस गर्न सकेन ।
