: नेपालले आज वेष्ट इण्डिज ‘ए’सँग चौथो टी-२० खेल खेल्दैछ। कीर्तिपुरस्थित त्रिवि मैदानमा बिहीबार मध्यान्ह १२:१५ बजे खेल सुचारु हुनेछ।
आगामी जुन २ बाट सुरु हुने आईसीसी टीट्वेन्टी विश्वकपको तयारीका लागि नेपालले वेष्ट इण्डिजसँग शृंखला खेलेको हो।
वेस्ट इन्डिजले पाँच खेलको टीट्वेन्टी शृंखलामा २–१ को अग्रता बनाएको छ। यसअघि पहिलो खेलमा नेपालले चार विकेटको जित निकालेको थियो। दोस्रो खेलमा भने घरेलु टोली नेपाल १० रनले पछि परेको थियो। बुधबार भएको तेस्रो खेलमा नेपालले वेस्ट इन्डिजसँग ७६ रनले पराजय बेहोरेको थियो। सिरिज जित्ने सम्भावना कायमै राख्न नेपालले आजको खेल जित्नुपर्ने दबाब छ। आजको खेलमा नेपालले विश्वकप खेल्ने टीमका सदस्यलाई प्लेइङ ११ मैदान उतार्ने सम्भावना छ।
यस्तै पाँचौं तथा अन्तिम खेल शनिबार हुनेछ। नेपालले अर्को महिना हुने आईसीसी टी-२० विश्वकप खेल्ने अन्तिम १५ सदस्य टोली घोषणा गरेको छ।
