— आईसीसी ट्वान्टी-२० विश्वकप क्रिकेटअन्तर्गत नेपाल र नेदरल्याण्ड्स बीचको खेल काठमाडौं महानगरपालिकाले टुँडिखेल, तीनकुने र हाँडीगाउँमा प्रत्यक्ष प्रसारण गर्ने भएको छ । महानगरपालिकाले ओपन डोर्स इन्टरटेनमेन्टको सहआयोजना र खेलकुद मन्त्रालयको सहकार्यमा प्रत्यक्ष प्रसारण गर्ने महानगरपालिकाले जानकारी दिएको हो ।
खेलको प्रत्यक्ष प्रसारण हेर्नका लागि तीनै स्थानमा ठूला एलईडी स्क्रिन राखिने छ । प्रत्यक्ष प्रसारण सुरु हुनु अगाडि टुँडिखेलमा सांगीतिक कार्यक्रमको पनि आयोजना हुने छ । इन्दिरा जोशी, प्रताप दास, रचना रिमाल, महेश काफ्ले र भीयोमा अधिकारीले त्यहाँ सांगीतिक प्रस्तुति दिने भएका छन् ।
प्रत्यक्ष प्रसारण अवधिका लागि सो स्थानमा खाना तथा खाजाका स्टलहरू पनि राखिने छ । ओपन डोर इन्टरनटेनमेन्टका अध्यक्ष एलिन श्रेष्ठका अनुसार आजको टुँडिखेलको प्रत्यक्ष प्रसारणले नेपाली खेलकुद प्रेमीको लागि एउटा अविस्मरणीय क्षण प्रदान गर्ने बताए ।
महानगरले आईसीसी ट्वान्टी-२० विश्वकपअन्तर्गत नेपालका सबै खेलहरू नि:शुल्क रुपमा तीनै स्थानमा देखाइने बताएको छ ।
