। स्पानिस टेनिस स्टार कार्लोस अल्कारेजले फ्रेन्च ओपनको उपाधि जितेका छन् । ५ सेटसम्म चलेको प्रतिस्पर्धात्मक खेलमा जर्मनीका अलेजान्डर जेभरेभलाई ३-२ ले पराजित गर्दै अल्कारेजले पहिलो पटक फ्रेन्च ओपनको उपाधि जितेका हुन् ।
पेरिसको रोला ग्यारो क्ले कवर्टमा भएको फाइनलमा तेस्रो वरियताका अल्कारेजले जेभरेभलाई ६-३, २-६, ५-७, ६-१, ६-१ ले पराजित गरे ।
अल्कारेसको यो तेस्रो ग्राण्ड्सलाम उपाधि हो । उनले यसअघि २०२२ मा युएस ओपनर र गतवर्ष विम्बलडन ओपनको उपाधि जितेका थिए । २१ वर्षीय अल्कारेजले ३ फरक सर्फेसमा ग्राण्ड्स्लाम उपाधि जित्ने कान्छो खेलाडीसमेत बनेका छन् ।
टिभीमा फ्रेन्च ओपन हेर्दै हुर्किएको र अहिले आफूले जित्न पाउँदा खुशी लागेको अल्कारेजले बताए । ‘म टेलिभिजनमा यो प्रतियोगिता हेर्ने गर्थेँ, अहिले यो ट्रफी उचाल्दैछु’, ६ पटकका ग्राण्ड्स्लाम विजेता बोजन बर्गले ट्रफी प्रदान गरेपछि अल्कारेजले भने ।
चौथो वरियतामा जर्मन खेलाडी जेभरेभ करियरको पहिलो ग्राण्ड्स्लाम जित्ने अभियानमा तरहेपनि सफल हुन सकेनन् । २७ वर्षीय जेभरेभ दोस्रो पटक ग्राण्ड्स्लाम फाइनलमा पराजित भएङ्का हुन् । यसअघि २०२० को युएस ओपन फाइनलमा पराजित भएका थिए ।
