मुख्य समाचार
प्रभास स्टारर साइन्स फिक्सन फिल्म ‘कल्की २८९८ एडी’को ट्रेलर सार्वजनिक
प्रभास स्टारर साइन्स फिक्सन फिल्म ‘कल्की २८९८ एडी’को ट्रेलर सार्वजनिक

। प्रभास स्टारर प्रतिक्षित भारतीय फिल्म ‘कल्की २८९८ एडी’को ट्रेलर सार्वजनिक भएको छ । नाग अश्विन निर्देशित फिल्मलाई भीएफएक्सले भरिपूर्ण बनाइएको छ ।

भिजुअल इफेक्टको अत्यधिक प्रयोग ट्रेलरमा प्रस्ट देखिन्छ । फिल्ममा दीपिका पादुकोण पदमा नामकी गर्भवती महिलाको भूमिकामा छिन्, जो आफ्नो बच्चालाई बचाउन संघर्ष गरिरहेको देखिन्छ ।




अन्धकार र उज्यालोको संघर्ष देखाइएको कथामा भैरवको रूपमा प्रभास देखिएका छन् । अभिनेता शाश्वत चटर्जीले कमाण्डर मानसको भूमिका निर्वाह गरेका छन्, जो अन्धकारको संसारको राजा हुन् ।

कमाण्डर मानसका अनुसार भैरवले पदमासँग लड्ने कि उनलाई सहयोग गर्ने, ट्रेलरमा देखाइएको कथा यही हो । ट्रेलरमा प्रभासको क्यारेक्टर निकै बलियो देखाइएको छ, यद्यपि उनको हास्यास्पद संवादले दर्शकलाई कहिलेकाहीँ अलमलमा पार्न सक्छ ।




अन्धकार र उज्यालोको लडाई

ट्रेलर संसारको अन्तिम सहर काशीबाट सुरु हुन्छ, जहाँ बसोबास गर्ने मानिसको अवस्था नाजुक छ । ट्रेलरले एउटा अनौठो संसार देखाउँछ जहाँ सबैले सर्वोच्च यास्किनको पूजा गर्छन् । यस संसारको सेनापति मानस हो, जसले अन्धकारलाई कायम राख्न चाहन्छ । यसैबीच, तिनीहरूले ६००० वर्ष पुरानो चीज भेट्टाउँछन्, जुन तिनीहरूको संसारमा प्रकाश आउन लागेको संकेत हो । उज्यालो भनेको अन्धकारको संसारको लागि खतरा हो । यसैबीच, गर्भवती पदमा ट्रेलरमा प्रवेश गर्छिन् ।

ट्रेलरमा अश्वस्थामा अर्थात् अमिताभ बच्चनलाई कथा बुझाउन राखिएको छ, जसलाई हरेक पात्रको सत्यता थाहा छ । उनले पदमाले आफ्नो गर्भमा भगवानलाई स्थान दिएको बताए । कमाण्डर मानसले पदमालाई खतरा मान्छन् र सबैभन्दा शक्तिशाली भैरवलाई पठाउँछन्, जसले कहिल्यै युद्ध हारेका थिएनन् । युद्धमा भैरवले अश्वस्थामाको सामना गर्नेछन् । युद्ध कसले जित्छ त्यो फिल्म हेरेपछि मात्रै थाहा हुन्छ ।

फिल्ममा कमल हसनले महत्वपूर्ण भूमिका निर्वाह गर्ने भएका छन्, यद्यपि उनको लुक भने सार्वजनिक गरिएको छैन । ट्रेलरको अन्त्यमा उनी नयाँ युग आउँदैछ भनेर मात्र देखाइएको छ ।



‘कल्की २९८९ एडी’को ट्रेलर कस्तो छ ?

ट्रेलर हलिउडको फिल्म फ्रेन्चाइज म्याड म्याक्स जस्तै देखिन्छ । ट्रेलर भीएफएक्सले भरिएको छ । यस्तै डार्क थिम प्रभासको अघिल्लो फिल्म ‘सलार’मा पनि देखाइएको छ । ट्रेलरमा धेरै क्यारेक्टर एकसाथ देखाइएको छ, जसलाई केही मिनेटको ट्रेलरमा बुझ्न निकै गाह्रो छ । पदमाको भूमिका निर्वाह गरेकी दीपिका पादुकोणले ट्रेलरमा कम स्थान पाएकी छिन् ।

फिल्मको विषयवस्तु पनि प्रश्नले घेरिएको छ । फिल्ममा एकातिर पौराणिक पात्रसँग जोडिएको छ भने अर्कोतिर उन्नत प्रविधि र ग्याजेटलाई स्थान दिइएको छ । ट्रेलरमा दिशा पटानीको पनि छोटो दोस्रो भूमिका छ, जो एक्सन गरिरहेको देखिएकी छिन् ।

जुन २७ (असार १३)मा रिलिज

प्रभास, दीपिका पादुकोण, अमिताभ बच्चन, कमल हसन स्टारर फिल्म असार १३ गते (जुन २७)मा रिलिज हुँदैछ । अमिताभ बच्चन अश्वस्थामाको भूमिकामा देखिनेछन् भने प्रभास भैरवको भूमिकामा छन् ।

फिल्मलाई साउथका चर्चित निर्देशक नाग अश्विनले निर्देशन गरेका हुन् । यो एक साइन्स फिक्सन फिल्म हो, जसलाई पौराणिक कथासँग जोडेर निर्माण गरिएको हो । फिल्म हिन्दीका साथै तमिल, तेलुगु, मलयालम, कन्नड र अंग्रेजी भाषामा पनि रिलिज हुनेछ । यो फिल्म ६०० करोडको बजेटमा बनेको छ । यो बजेटसँगै यो भारतकै सबैभन्दा महँगो फिल्म पनि हुनेछ ।

प्रतिक्रिया दिनुहोस्
अन्य समाचारहरु
। गोल्डेन ग्लोब अवार्ड विजेता हलिउड अभिनेता टेरेन्स स्ट्याम्पको ८७ वर्षको उमेरमा आइतबार निधन भएको छ । टेरेन्स ‘सुपरम्यान’ फ्रान्चाइजीको खलपात्र जनरल डजको भूमिकामा परिचित छन् । यसबाहेक, उनी द हन्टेड मेन्सन र मर्डर मिस्ट्रीजस्ता लोकप्रिय फिल्ममा देखा परे । स्ट्याम्पको परिवारले मृत्युको बारेमा आधिकारिक नोट जारी गरेको छ । त्यसमा लेखिएको छ, ‘टेरेन्स स्ट्याम्प एक अभिनेता ...
— सुपरस्टार म्याडोनाले पोप लियो चौधौंलाई तत्काल गाजाको यात्रा गर्न र त्यहाँका बालबालिकाको जीवनरक्षा गर्न आग्रह गरेकी छन् । सोमबार सामाजिक सञ्जालमा अपिल पोस्ट गर्दै उनले पोपलाई त्यस्तो आग्रह गरेकी हुन् । छोरा रोक्कोको जन्मदिनले उनलाई त्यो पोस्ट गर्न प्रेरित गरेको समेत म्याडोनाले उल्लेख गरेकी छन् । रोक्को सोमबार २५ वर्षका लागेका छन् । ‘परम आदरणीय फादर, कृपया गाजामा जानुहोस् ...
: काठमाडौंको बौद्धमा सोमबार रोपाई जात्रा धुमधामका साथ सम्पन्न भएको छ। हरेक वर्ष गाईजात्राको भोलिपल्ट बौद्धमा रोपाई जात्रा गर्ने गरिन्छ। प्रताप मल्लको पालाबाट बनाइँदै आएको रोपाई जात्रालाई आफूहरूले निरन्तरता दिँदै आएको स्थानीयहरूको भनाइ छ। झाँकीसहितको जात्रामा बौद्ध परिसरबाट रोपाई सुरु गरेर बौद्ध परिक्रमासँगै बौद्ध पिपलबोटदेखि टुसालसम्म पुगेको थियो। बौद्धको रोपाइँ जात्रामा खेतमा छ्यापेको हिलोको प्रतीकका रूपमा ...
। बलिउड अभिनेता दीपराज राणाले नेपाली फिल्म ‘सुख दुःख’मा अभिनय गर्ने भएका छन् । निर्मात्री नीता ढुङ्गानासँग उनले लिखित सम्झौता गरेका छन् । सिंघम रिटन्र्स, प्रेम रतन धन पायो, दबङ ३ सहित हालै रिलिज भएको ‘मेट्रो इन दिनो’मा उनको अभिनय छ । बिल्ली उस्ताद, सितारे जमीन परजस्ता फिल्ममा पनि अभिनय गरेका छन् । उनले यसअघि श्रीकृष्ण श्रेष्ठ ...
। विश्वचर्चित फिल्म ‘स्पाइडर-म्यान’को नयाँ श्रृंखलाको छायांकन ग्लास्गोमा सुरु भएको छ । प्राप्त भिडियो र तस्वीरमा अभिनेता टम हल्याण्डले छायांकन थलोमा प्रशंसकलाई भेटिरहेको देखिन्छ । नयाँ श्रृंखलाको नाम ‘स्पाइडर-म्यान : ब्राण्ड न्यू डे’ राखिएको छ । स्कटल्याण्डमा छायांकन भएको अभिनेता हल्याण्डको यो लगातार दोस्रो फिल्म हो । उनी गत महिना इन्भरनेस र मोरे वरपरका विभिन्न स्थानमा क्रिस्टोफर ...