। थप २० रन जोड्न सकेको भए नजिता के हुन्थ्यो कसलाई के थाहा ? एरोन जोनसनले जसरी सुरु गरेका थिए, त्यसलाई हेर्दा थप २० रन ठूलो डिल पनि थिएन ।
तर अब क्यानडाको टी–२० विश्वकपको सुपर ८ मा पुग्ने सम्भावना केही कमजोर भएको छ । एक समय उसले सपना देख्न थालिसकेको थियो । यद्यपि अरु ब्याट्सम्यानले रन बनाउन संघर्ष गरिरहँदा अर्धशतक बनाएका जोनसनप्रति समर्थकहरु आभारी छन् ।
जोनसनले पनि पाकिस्तानविरुद्ध खेलेको इनिङलाई आफ्नो खेल जीवनकै उत्कृष्ट भनेका छन् । ‘मलाई लाग्छ, यो अन्तर्राष्ट्रिय क्रिकेटमा मेरो अहिलेसम्मको उत्कृष्ट पारी हो’, खेलपछि उनले भनेका छन् ।
न्यूयोर्कमा टस हारेर ब्याटिङको निम्तो पाएको क्यानडा सुरुदेखि नै दबाबमा थियो । तर एउटा एण्डबाट पारी सम्हालेका जोनसनले १३ औं ओभरको तेस्रो बलमा आउट हुनुपूर्व चार चौका र चार छक्काको मद्दतमा ५२ रन बनाए ।
जोनसेनले सुरुवातमा फूल लेन्थमा आएको बलको फाइदा उठाए, त्यसपछि फर्किएर हेर्नु परेन । ‘यदि आफ्नो एरियामा बल आएको छ भने आफ्नो सर्ट खेल भनेर टिममेट र प्रशिक्षकले अनुमति दिएका छन्’, उनी भन्छन् ।
जोनसेनले पाकिस्तानविरुद्ध केही ठूला सर्ट खेले । ‘यो खेलबाट मैले एउटा कुरा सिकेँ, यदि रन बनाउनु छ भने निकै जोडदार ब्याटिङ गर्नुपर्छ’, उनले भने, ‘अनि एकदमै ध्यान दिनुपर्छ । किनकी जब मैले शाहीन शाह अफ्रिदीविरुद्ध राम्रो ब्याटिङ गरेँ, बाबारले आमिरलाई बलिङको इशारा गरे ।’
जोनसनले वर्षको सुरुवातमा टोर्नाडोमा कार्लोस ब्रेथवेटसँग समय बिताए । जमैकामा जन्मिएका जोनसन क्रिस गेल र आन्द्रे रसेलका साथी पनि हुन् । विश्वकपमा क्यानडाले जित निकालेपछि रसेलले जोनसोनलाई सन्देश पठाएका थिए ।
‘क्रिस गेल र अरुले पनि समय समयमा टेक्स्ट गर्छन्, पोष्टमा लाइक गर्छन्’, उनीहरुले पनि आफूलाई एक हदसम्म प्रेरित गरेको भन्दै उनले भने, ‘टोरेन्टोमा भेट्दा कार्लोसले अवसरलाई बुझ्न र धेरै तनाव नलिन सुझाएका थिए ।’
सुपर ८ मा पुग्न सकेन भने यो विश्वकपमा क्यानडाको अन्तिम खेल भारतसँग हुनेछ र, जोनसनलाई सम्मान र आश्चर्यको बीचमा हुने रेखाबारे अवगत छन् ।
‘म फेरि भन्छु, यो केबल एक बल हो’ बुमराह र उनको टिम (भारत)को चुनौतीबारे सोधिएको प्रश्नमा उनले भने, ‘जब तपाईं मैदानमा जानुहुन्छ, बल गोलो हुन्छ, जसले पनि जित्नसक्छ । हो, हामीले उनीहरुको सम्मान गर्नुपर्छ ।’
