मुख्य समाचार
यी हुन् ह्वाट्सएप प्रतिबन्धित ६ देश
यी हुन् ह्वाट्सएप प्रतिबन्धित ६ देश

। मेसेजिङ्ग प्लाटफर्म ह्वाट्सएपलाई अहिले कुनै परिचयको आवश्यकता पर्दैन । यो हरेक मोबाइल प्रयोगकर्ताको सञ्चारको प्रमुख माध्यम नै बनेको छ । मेटा कम्पनीको स्वामित्वमा रहेको ह्वाट्सएपका विश्वभरमा ३ अर्ब प्रयोगकर्ता छन् । व्यक्तिगतदेखि व्यवसायिक कामसम्ममा यसको प्रयोग हुने गर्दछ ।

तर विश्वका अर्बौं मानिसले प्रयोग गर्ने ह्वाट्सएप कतिपय देशमा भने प्रतिबन्धित छ । ह्वाट्सएपमाथि प्रतिबन्ध लगाइएका विश्वका प्रमुख ६ देश यी हुन्–




१. चीन : चीनको ग्रेट फायरवालले विभिन्न विदेशी एप तथा वेबसाइटमा आफ्ना नागरिकको पहुँचलाई रोक्ने गर्दछ । ग्रेट फायरवालले ह्वाट्सएपलाई पनि बन्देज लगाएको छ । ह्वाट्सएपमाथिको प्रतिबन्ध सञ्चारमाथिको नियन्त्रण मात्र नभई विच्याट जस्ता स्वदेशी मेसेजिङ्ग एपहरुलाई बढावा दिने व्यापक रणनीतिको हिस्सा हो ।

२. इरान : ह्वाट्सएपले इरानमा पनि बेलाबेलामा प्रतिबन्धको सामना गर्नु पर्दछ । इरानी सरकारले राजनीतिक अशान्तिका क्रममा सञ्चार तथा सूचनाको पहुँचलाई नियनत्रण गर्नका लागि यो एपलाई ब्लक गर्ने गर्दछ ।




३. युएई : संयुक्त अरब इमिरेट्स (युएई)मा ह्वाट्सएपको भ्वाइस तथा भिडियो कलिङ सुविधा प्रतिबन्धित छ । युएई सरकारले यो प्रतिबन्ध स्थानीय दूरसञ्चार कम्पनीहरुलाई सहयोग गर्नका लागि लगाएको हो । त्यहाँ ह्वाट्सएपमा केवल टेक्स्ट मेसेज मात्र आदानप्रदान गर्न मिल्दछ ।

४. कतार : युएईमा जस्तै कतारमा पनि ह्वाट्सएपमा भ्वाइस तथा भिडियो कलिङ सुविधा प्रतिबन्धित छ र केवल टेक्स्ट मेसेजको सुविधा मात्र उपलब्ध छ ।

५. सिरिया : ह्वाट्सएपमाथि कडा प्रतिबन्ध रहेको अर्को मुलुक सिरिया पनि हो । त्यहाँ ह्वाट्सएप माथिको प्रतिबन्ध सरकारको व्यापक इन्टरनेट सेन्सरसीप नीतिको हिस्सा हो ।

६. उत्तर कोरिया : उत्तर कोरियामा सायद विश्वकै सबैभन्दा कडा इन्टरनेट नीति छ । वैश्विक इन्टरनेटसम्म नागरिकको निकै सीमित पहुँच छ । सूचनाको स्वतन्त्र प्रवाहलाई संकुचित पार्नका लागि र सञ्चारमाथि सरकारको पूर्ण नियन्त्रण कायम गर्नका लागि ह्वाट्सएपजस्ता सोसल मिडिया प्लाटफर्म त्यहाँ प्रतिबन्धित छन् ।

स्मरण रहोस् युएई र कतारजस्तै जोर्डन र इजिप्टमा पनि ह्वाट्सएपको अडियो र भिडियो कलिङ सेवा प्रतिबन्धित छ ।

–एजेन्सीको सहयोगमा

प्रतिक्रिया दिनुहोस्
अन्य समाचारहरु
: मेटाका सीईओ मार्क जुकरबर्गले धेरै नयाँ उत्पादन लन्च गरेका छन्। यीमध्ये एक मेटा रे–ब्यान डिस्प्ले हो। यसमा हेड–अप डिस्प्ले सुविधा छ। यसले प्रयोगकर्तालाई चस्मामा सिधै पाठ, भिडियो, नक्सा, आदि हेर्न सकिन्छ। यो लन्च मेटा कनेक्ट २०२५ कार्यक्रमको क्रममा गरिएको हो। मेटा कनेक्ट २०२५ कार्यक्रम क्यालिफोर्नियाको मेलानो पार्कमा सुरु भएको थियो। यहाँ मेटाको मुख्यालय छ। ...
। एप्पलले अहिलेसम्मकै सबैभन्दा पातलो आइफोन लञ्च गरेको छ । मंगलबार आफ्नो विशेष वार्षिक समारोहमार्फत् एप्पलले जम्मा ५.६ मिलिमिटर मोटो आइफोन एयर सार्वजनिक गरेको हो । त्यसक्रममा एप्पलका सिइओ टिम कुकले आइफोन एयरलाई आइफोन प्रविधिमा अहिलेसम्मकै ठूलो फड्को रहेको र यो गेमचेन्जर स्मार्टफोन भएको बताएका छन् । आइफोन एयरमा ६.५ इन्चको सुपर रेटिना एक्सडिआर डिस्प्ले छ, जसमा ...
: सरकारले फेसबुक,ट्वीटर (एक्स),युट्युबलगायत २६ वटा सामाजिक सञ्जाल बन्द गर्ने निर्णय गरेको छ। मन्त्रिपरिषदको निर्णय र सर्वोच्च अदालतको परमादेश कार्यान्वयन गर्नका लागि सञ्चार तथा सूचना प्रविधि मन्त्रालयले बिहीबार उक्त निर्णय गरेको हो। सरकारले आजदेखि नै उक्त सामाजिक सञ्जाल बन्द गर्नका लागि दूरसञ्चार प्राधिकरणलाई पत्राचार गरेको छ। स्रोतका अनुसार सञ्चार मन्त्रालयमा बिहीबार बसेको बैठकले सर्वोच्च अदालतको परमादेश ...
: सञ्चार तथा सूचना प्रविधि मन्त्रालयले नेपालमा दर्ता नभएका सामाजिक सञ्जालहरूलाई निष्क्रिय बनाउन निर्देशन दिएको छ। मन्त्रालयले दूर सञ्चार प्राधिकरणलाई पत्राचार गरेर दर्ता नभएका सामाजिक सञ्जालहरूलाई निष्क्रिय पार्न निर्देशन दिएको हो। सर्वोच्च अदालतको परमादेश र यसअघि सरकारको निर्णय बमोजिम त्यस्ता सामाजिक सञ्जालहरूलाई नेपालभित्र निष्क्रिय बनाउन निर्देशन दिइएको हो। 'सम्मानित सर्वोच्च अदालतको बृहत पूर्ण इजलासले अदालतको अवहेलनासम्बन्धी मुद्दा ...
: गुगललाई अमेरिकी अदालतबाट ठुलो राहत मिलेको छ। योसँगै अब कम्पनीले क्रोम ब्राउजर बेच्नु पर्नेछैन। अदालतले अमेरिकी न्याय विभागको अपिल खारेज गरेको छ। यसमा गुगलले आफ्नो क्रोम ब्राउजर बेच्नुपर्ने भनिएको थियो। डीसी जिल्ला अदालतका न्यायाधीश अमित मेहताले यो आदेश दिएका हुन्। अदालतले आफ्नो फैसलामा अनलाइन खोजमा प्रतिस्पर्धालाई बढवा दिन गुगलले आफ्ना प्रतिद्वन्द्वी प्राविधिक ...