। युवा स्टार अर्दा गुलेरले युरो डेब्युमै सानदार गोल गर्दै कीर्तिमान बनाएका छन् ।
गुलेरको कीर्तिमानी गोलमा टर्कीले मंगलबार समूह ए को खेलमा डेब्युटान्ट जर्जियालाई ३-१ ले पराजित गर्दै विजयी सुरुआत गरेको हो ।
डर्टमण्डस्थित सिग्नल इडुना पार्कमा मट मुडलरले २५औं मिनेटमा उत्कृष्ट गोल गर्दै टर्कीलाई अग्रता दिलाएका थिए ।
उनको टप कर्नर भलीलाई जर्जियाका गोलकिपर जिओर्जी मामारदासभिलीले कुनै मौका नै पाएनन् । तर, त्यसको सात मिनेटपछि नै जर्जेस मिकाउटाड्जले जर्जियाका लागि युरोमा पहिलो गोल गर्दै खेल बराबरी गरे ।
पहिलो हाफमा बराबरीमा सकिएको थियो । दोस्रो हाफमा टर्कीले दुई गोल थप्यो । ६५औं मिनेटमा गुलेरले गोल गर्दै टर्कीएलाई २-१ को अग्रता दिलाए । जर्जिया बराबरी गोल फर्काउन लगातार प्रयास गरिरहेको थियो । तर, इन्जुरी टाइममा केरेम अक्टुरकोग्लुले गोल गर्दै टर्कीएलाई ३-१ को जित दिलाए ।
टर्की सन १०८० मा युरो खेल्न थालेयता पहिलोपटक युरोमा आफ्नो पहिलो खेल जितेको हो । यसअघि युरोमा टर्कीले खेलेको पाँचवटै पहिलो खेल हारेको थियो ।
टर्कीको जीतमा उत्कृष्ट गोल गरेका अर्दा गुलेलर पनि सबैभन्दा कम उमेरमा युरोमा गोल गर्ने कीर्तिमान बनाए । उनले १९ वर्ष ११४ दिनको हुँदा गोल गर्दा क्रिस्टियानो रोनाल्डोको कीर्तिमान तोडे ।
रोनाल्डोले सन् २००४ को डेब्यु युरोमा १९ वर्ष १२८ दिनको हुँदा गोल गरेका थिए ।
