: इटाली युरो कप २०२४ को अन्तिम १६ मा प्रवेश गरेको छ । इन्जुरी समयमा गोल गरेर क्रोएसिया विरुद्ध १-१ को बराबरी खेल्दै साविक विजेता इटाली नकआउट चरणमा पुगेको हो।
५५ औं मिनेटमा क्रोएसियाका लुका मोड्रिचले गोल गरेका थिए। त्यसअघि ५४औं मिनेटमा पाएको पेनाल्टीमा मोड्रिचले गोल गर्न सकेनन् । उनको पेनाल्टी प्रहार इटलीका किपर जियानलुजी डोनारुम्माले बचाएका थिए । null
यता इन्ज्युरी समयको आठौं मिनेटमा रिकार्डो कालाफिओरीको पासमा माटिया जाकाग्नीले गोल गरेपछि समूहको उपविजेता हुँदै इटाली अन्तिम - १६ मा पुगेको हो। स्पेन सबै खेल जितेर समूह बी को विजेता बनेको छ । क्रोएसिया सन् २०१८ को फिफा विश्वकपको फाइनल र २०२२ को विश्वकपको सेमिफाइनल पुगेको थियो।
