। महिला भलिबलको फ्रेन्चाइज लिग हुने भएको छ । नेपाल भलिबल संघ र इन्फिनिटी ड्रिम्स प्रालिबीच एभरेष्ट महिला भलिबल लिग गर्न शुक्रबार सम्झौता भएको हो ।
नेपाल भलिबल संघका अध्यक्ष जितेन्द्रबहादुर चन्द र इन्फिनिटी ड्रिम्सका अध्यक्ष आमिर अख्तरले सम्झौतामा हस्ताक्षर गरेका छन् । सम्झौता ७ वर्षका लागि रहने बताइएको छ ।
इन्फिनिटी ड्रिम्सले फ्रेन्चाइज लिग गरेवापत भलिबल संघलाई वार्षिक २५ लाख दिने भलिबल संघका अध्यक्ष चन्दले जानकारी दिए ।
लिगको मिति र फ्रेन्चाइज टिम चाँडै घोषणा गरिने आमिर अख्तरले जानकारी दिए । पहिलो संस्करणमा ६ टिम सहभागी हुने र आउने संस्करणमा बढाउँदै जाने उनले बताए ।
भलिबल संघका अध्यक्ष चन्दले फ्रेन्चाइज भलिबलले नेपाली खेलाडीलाई सहयोग गर्ने बताए ।
एभरेष्ट प्रिमियर लिग क्रिकेट आयोजना गरेका आमिर अख्तर अर्को कम्पनीमार्फत भलिबल संघसँग सहकार्य गरेर लिग गर्न लागेका हुन् ।
एक टिममा ३ जना विदेशी खेलाडी राख्न पाउने भलिबल संघ अध्यक्ष चन्दले जानकारी दिए ।
