– भारत पहिलो टी-२०आई खेलमा घरेलु टोली जिम्बावेसँग १३ रनले पराजित भएको छ । योसँगै पाँच खेलको सिरिजमा जिम्बावेले १(-०को अग्रता लिएको छ ।
११६ रनको लक्ष्य पछ्याएको भारत १९.५ ओभरमा १०२ रनमा अल आउट भयो । कप्तान शुभमन गिलले २९ बलमा ५ चौकासहित सर्वाधिक ३१ रन बनाए । वासिन्टन सुन्दर २७, आवेश खान १६, ऋतुराज गायकवाड ७, रियान पराग २, ध्रुव जुरेल ६, रवि विश्रोई ९, अभिषेश शबबर्मा र रिंकु सिंहले खाता खोल्न सकेनन् ।
जिम्बावेका सिकन्दर राजाले ४ ओभरमा २५ रन खर्चेर ३ विकेट लिए । टेन्डाई चटराले ३.५ ओभरमा १६ रन खर्चेर ३, ब्लेसिङ मुर्जाबानी, ब्रायन बेनेट र वेलिंग्टन मसाकाड्जा र ल्यूक जोंगवेले १-१ विकेट लिए ।
त्यसअघि हरारे स्पोर्ट्स क्लबमा टस हारेर पहिला ब्याटिङको निम्तो पाएको जिम्बावेले २० ओभरमा ९ विकेट गुमाउँदै ११५ रन जोडेको थियो । वेस्ली मधेभरेले २१, ब्रायन बेनेटले २२, डिओन मेयर्स २३ र क्लाइभ माडान्डेले २९रन बनाए ।
भारतका स्पिनर रवि विश्रोईले ४ ओभरमा २ मेडनसहित १३ रन खर्चेर ४ विकेट लिए । वासिन्टन सुन्दरले २, आवेश खान र मुकेश कुमारले १–१ विकेट लिए । भारतले आफ्नो दोस्रो रोजाईको टोली जिम्बावे भ्रमणमा पठाएको छ ।
