। मिस नेपाल-२०२४ मा सहविधाको प्रतिस्पर्धा सुरु भएको छ । शनिबार आयोजित पहिलो दिनको सब–टाइटल प्रतिस्पर्धा ‘मिस भिजिनरी’मा २६ जना फाइनलिस्टले प्रतिस्पर्धा गरे ।
आईभीएफ सेन्टर वात्सल्यले प्रायोजन गर्ने यो प्रतिस्पर्धाका अन्तिम पाँच प्रतिस्पर्धी छनोट भएका छन् । जसमा सुमना केसी, निभिता चापागाईं, सायरा खड्का, शुभेच्छा निरौला र श्रद्धा सुमन सिलवाल छन् ।
यो सहविधाका विजेता भने प्रतियोगिताको फिनालेमा घोषणा हुने जनाइएको छ । यो सहविधाको जजको रुपमा वात्सल्यका अध्यक्ष प्रशान्त सुवेदी, पूर्वमिस नेपाल अर्थ सरिशा श्रेष्ठ, मेडिसिटी अस्पतालकी वरिष्ठ परामर्शदाता सुनिधि मास्के जजको रुपमा थिए ।
मिस वर्ल्डको ‘हेड टु हेड च्यालेन्ज’ को शैलीमा यो सहविधा आयोजना गरिएको हो । आयोजक द हिडन ट्रेजरका निर्देशक प्रमोद कंसाकारका अनुसार बाँकी सहविधाका प्रतिस्पर्धा पनि चाँडै हुनेछन् ।
ट्यालेन्ट शो, स्वीमसुट, फार्मसी अफ द इयर, मिस डीएचआई, जुभारा मिस हाइजिन, ब्रिज मिस कन्फिडेन्ट, मिस फोटो फोटोजेनिक, मिस हेल्दी स्किन, ब्युटी विथ अ पर्पस सहविधाका पनि प्रतिस्पर्धा हुँदैछन् ।
यस वर्षको संस्करणको फिनाले साउन १९ गते ललितपुरमा आयोजना हुँदैछ । मिस नेपालको अफिसियल अनलाइन पार्टनरको रुपमा अनलाइनखबर डटकम र टेलिभिजन पार्टनरको रुपमा हिमालय टिभी छ ।
