मुख्य समाचार
यी हुन् सबैभन्दा बस्न लायक विश्वका १० शीर्ष सहर
यी हुन् सबैभन्दा बस्न लायक विश्वका १० शीर्ष सहर

विश्वव्यापी बसोबास योग्यता सूचक, २०२४ (ग्लोबल लिभेबिलिटी इन्डेक्स) अनुसार विश्वमा सबैभन्दा बस्नलायक सहरहरुको नयाँ सूची सार्वजनिक भएको छ ।

यसमा सहरको स्थायित्व, स्वास्थ्य सेवा, संस्कृति, शिक्षा तथा पूर्वाधारलगायतको आधारमा जीवनको गुणस्तर मापन गरी सहरहरूको बसोबास योग्यताको सूचक तयार पारिएको हो ।




उक्त सूची अनुसार विश्वमा बसोबासका लागि सबैभन्दा योग्य रहेका १० वटा सहर यी हुन्ः

१. भियना, अष्ट्रिया : विश्वमा सबैभन्दा बस्न योग्य सहरको रुपमा अष्ट्रियाको राजधानी भियनाले यो वर्ष पनि आफ्नो शीर्ष स्थान कायमै राखेको छ ।


बसोबास योग्यता सूचकमा भियनाले कुल १०० अंकमा ९८.४ अंक प्राप्त गरेको छ । यसले स्थायित्व, स्वास्थ्य सेवा, शिक्षा तथा पूर्वाधारमा पूर्ण अंक प्राप्त गरेको छ भने संस्कृति विधामा ९३.५ अंक प्राप्त गरेको छ ।

सहरबासीलाई सार्वजनिक सेवा र सुरक्षाप्रतिको प्रतिबद्धताले गर्दा भियना बसोबासका लागि आदर्श सहरको रुपमा रहँदै आएको छ।



२. कोपनहेगन, डेनमार्क : कुल ९८ अंकसहित दोस्रो स्थानमा रहेको डेनिस राजधानी कोपनहेगन त्यहाँको उच्च गुुणस्तरीय स्वास्थ्य सेवा तथा सांस्कृतिक निधिका लागि परिचित छ । यो सहरले स्थायित्व, शिक्षा तथा पूर्वाधार विधामा पनि पूर्ण अंक प्राप्त गरेको छ ।



३. जुरिच, स्विट्जरल्याण्ड : ९७.३ अंक सहित विश्वको बसोबासयोग्य सहरको सूचीमा तेस्रो नम्बरमा परेको छ स्वीस सहर जुरिच । यसले स्वास्थ्य तथा शिक्षाको विधामा पूर्ण अंक प्राप्त गरेको छ । यो हसर प्राचीन तथा आधुनिक संस्कृतिको सुन्दर मिश्रणका लागि लोकप्रिय छ । अत्याधुनिक पूर्वाधार संरचना तथा सार्वजनिक परिवहनले गर्दा यो सहर बसोबासका लागि आदर्शतम सहरको रुपमा रहेको छ ।



४. मेलबर्न, अष्ट्रेलिया : कुल ९७ अंकसहित चौथो स्थानमा परेको मेलबर्न सहर यसको सांस्कृतिक विविधताका लागि चर्चित छ । संस्कृति विधामा यो सहरले कूल ९५.८ अंक प्राप्त गरेको छ ।

जुरिचले जस्तै स्वास्थ्य र शिक्षा विधामा मेलबर्नले पूर्ण अंक प्राप्त गरेको छ जसले यहाँको सशक्त सार्वजनिक स्वास्थ्य तथा शिक्षा प्रणालीलाई दर्शाउँछ । सहरको सुविधा सम्पन्न पूर्वाधार प्रणाली तथा वातावरणले गर्दा यो बसोबास योग्य सहरको शीर्ष चारमा पर्न सफल भएको हो ।



५. काल्गरी, क्यानडा : स्थायित्व र स्वास्थ्य सेवाको विधामा पूर्ण अंक प्राप्त गर्न सफल काल्गरी सहरले बसोबास योग्यता सूचकांकमा समग्रमा ९६.८ अंक प्राप्त गरी पाँचौ स्थानमा परेको छ । सांस्कृतिक विधामा केही कम अंक पाए पनि सहरको शिक्षा तथा पूर्वाधारको पक्ष निकै सशक्त छ ।



६. जेनेभा, स्विट्जरल्याण्ड : कुल ९६.८ अंक सहित छैटौं स्थानमा रहेको स्विट्जरल्याण्ड सहर यसको उच्च गुणस्तरीय स्वास्थ्य सेवा तथा शिक्षा प्रणालीका लागि चर्चित छ । यो सहरको सांस्कृतिक पक्ष तथा पूर्वाधार प्रणाली पनि समृद्ध रहेको छ । अत्याधुनिक तथा सुविधासम्पन्न सहरी वातावरणका साथै भरपर्दो सार्वजनिक सेवाहरुका कारण जेनेभा सहरबासीहरुको रोजाइमा पर्दछ ।



७. सिड्नी, अष्ट्रेलिया : उच्च गुणस्तरीय स्वास्थ्य सेवा, शिक्षा तथा पूर्वाधारले युक्त सिड्नी सहर यसको बहुआयामिक कलात्मक दृश्य र सांस्कृतिक आकर्षणको विविधताका कारण विश्वको बसोबासयोग्य सहरको सातौं स्थानमा पर्न सफल भएको छ ।

सिड्नीको स्थायित्वयुक्त वातावरण र सुन्दर प्राकृतिक छटाले पनि यसको बसोबास योग्यतामा वृद्धि गरेको छ ।



८. भ्यान्कुभर, क्यानडा : कुल ९६.६ अंकसहित आठौं स्थानमा रहेको भ्यान्कुभरले शीर्ष दश सहरमध्ये संस्कृति विधामा सबैभन्दा धेरै अर्थात् ९७.२ अंक प्राप्त गरेको छ । सहरको उच्च गुणस्तरीय स्वास्थ्य सेवा, शिक्षा तथा पूर्वाधारका कारण सहरको जीवनको गुणस्तर उच्च रहेको छ ।



९. ओसाका, जापान : नवौं स्थानमा रहेको ओसाकाले ९६ अंक प्राप्त गरेको छ । ओसाकाले स्थायित्व र स्वास्थ्य सेवाको विधामा पूर्ण अंक प्राप्त गरेको छ । यद्यपि सांस्कृतिक विधामा ओसाकाको अंक शीर्ष १० मध्ये सबैभन्दा कम छ तर शिक्षा र पूर्वाधारलगायतले गर्दा पनि ओसाकाको बसोबास योग्यतालाई बढाएको छ ।


१०. अकल्याण्ड, न्युजिल्याण्ड : विश्वको सबैभन्दा बसोबास योग्य सहरको सूचीमा दशौं नम्बरमा रहेको अकल्याण्डले कुल ९६ अंक प्राप्त गरेको छ ।

अकल्याण्डको स्वास्थ्य सेवा, शिक्षा तथा पूर्वाधारमा उच्च अंक रहेको छ । स्थायित्वयुक्त तथा अन्तरआबद्ध वातावरणले गर्दा अकल्याण्ड उच्च बसोबासयोग्य सहरको रुपमा स्थापित भएको छ ।

प्रतिक्रिया दिनुहोस्
अन्य समाचारहरु
। संयुक्त राष्ट्रसंघले दक्षिणी लेबनानबाट शान्ति रक्षक सैनिक नहटाउने बताएको छ । यूएन पिसकिपिङ अपरेशन्सका प्रमुख न्या पियरे लेक्रोइक्सले न्यूयोर्कमा पत्रकारहरुसँग कुरा गर्दै युनाइटेड नेशन्स इन्टरिम फोर्स इन लेबनान (यूनिफिल)ले आफ्नो सैनिक नहटाउने बताएका हुन् । यो निर्णयप्रति राष्ट्रसंघ सुरक्षा परिषद् र मिसनमा आर्थिक सहयोग गर्ने देशहरुको समर्थन रहेको उनले बताए । जबकी इजयरालले शान्ति रक्षक सैनिक ...
। युरोपेली सङ्घ (इयु) का विदेश नीति प्रमुख जोसेप बोरेलले सोमबार दक्षिणी लेबनानमा संयुक्त राष्ट्रसङ्घका शान्ति सैनिकहरूलाई घाइते बनाएको इजरायली आक्रमणको शृङ्खलालाई ‘पूर्णतया अस्वीकार्य’ भन्दै निन्दा गरेका छन् । ‘इयुका २७ सदस्यहरू युएनआईएफआइएल (युनीफील) माथि आक्रमण रोक्न इजरायललाई आग्रह गर्न सहमत भएका छन्’, बोरेलले लक्जेमबर्गमा ब्लकका विदेशमन्त्रीहरूको बैठकअघि पत्रकारहरूसँग भने, ‘संयुक्त राष्ट्रसङ्घका सेनामाथि आक्रमण गर्नु पूर्णतया ...
। गत वर्ष एक सिख पृथकतावादी नेताको हत्यापछि ओटावाले आफ्ना राजदूत र अन्य कूटनीतिज्ञमाथि अनुसन्धान गरिरहेको भन्दै भारतले सोमबार क्यानडाको आलोचना गरेको छ। सन् २०२३ मा क्यानडाका नागरिक हरदीप सिंह निज्जरको हत्यापछि क्यानडाका प्रधानमन्त्री जस्टिन ट्रुडोले भारतीय गुप्तचर निकायलाई अपराधसँग जोड्ने ‘विश्वसनीय आरोप’ लागेको बताएपछि भारतसँगको कूटनीतिक सम्बन्ध बिग्रिएको थियो । भारतको विदेश मन्त्रालयले जारी गरेको विज्ञप्तिमा ...
: युरोपेली आयोगले सोमबार युक्रेनविरुद्ध प्रयोग गर्न रुसलाई क्षेप्यास्त्र र ड्रोन हस्तान्तरण गरेको आरोपमा प्रमुख इरानी अधिकारीहरू र एयरलाइन्ससहितका संस्थाहरू विरुद्ध प्रतिबन्ध लगाएको छ। युरोपेली आयोगका विदेशमन्त्रीले इरान एयरलगायत सात संस्थाहरू र उप-रक्षामन्त्री सैयद हम्जेह घलान्डारी र रिभोलुसनरी गार्ड्स कुद्स फोर्सका वरिष्ठ अधिकारीहरूसहित सात जना व्यक्तिमाथि प्रतिबन्ध लगाएको छ। प्रमुख युरोपेली शक्तिहरू बेलायत, फ्रान्स र जर्मनीले गत ...
: संयुक्त राष्ट्रसंघले उत्तर लेबनानमा इजरायली आक्रमणबारे छानबिन गर्न माग गरेको छ। उत्तर लेबनानमा इजरायली आक्रमणबाट कम्तिमा २३ जनाको मृत्यु भएको छ। संयुक्त राष्ट्रसंघका मानवीय मामिला समन्वयसम्बन्धी कार्यालयका प्रवक्ता जेरेमी लरेन्सका अनुसार इसाइ बहुल गाउँ एटोमा इजरायली हमलाले मानवीय कानुनमाथि गम्भीर चिन्ता उत्पन्न गरेको छ। उनका अनुसार इजरायली आक्रमणबाट मारिनेहरूमा १२ महिला र दुई बालबालिका पनि रहेका ...