– स्कटल्यान्डका तीव्र गतिका बलर चार्ली क्यासल ओडीआईको डेब्यू खेलमा ७ विकेट लिने पहिलो खेलाडी बनेका छन् । आईसीसी विश्वकप लिग २ मा उनले सोमबार ओमानविरुद्ध डेब्यू खेलमा ५.४ ओभरमा १ मेडनसहित २१ रन खर्चेर ७ विकेट लिदै उक्त कीर्तिमान बनाएका हुन् ।
क्यासल अघि ओडीआई डेब्यू खेलमा सर्वाधिक विकेट लिने बलर दक्षिण अफ्रिकाका कागिसो रबाडा थिए । रबाडाले सन् २०१५ मा बंगलादेशविरुद्ध ८ ओभरमा ३ मेडनसहित १६ रन खर्चेर ६ विकेट लिएका थिए । त्यस्तै वेष्टइण्डिजका फिडेल एडवार्ड्सले सन् २००३ मा जिम्बावेविरुद्ध ७ ओभरमा १ मेडनसहित २२ रन खर्चेर ६ विकेट लिएका छन् ।
फोर्थहिल डुन्डीमा टस हारेर पहिला ब्याटिङको निम्तो पाएको ओमान २१.४ ओभरमा ९१ रनमा अल आउट भयो । उक्त लक्ष्य स्कटल्यान्डले १७.२ ओभरमा २ विकेट गुमाउँदै पूरा गरेको थियो ।
आईसीसी विश्वकप लिग २ मा क्यानडा ४ खेलमा ८ अंकका साथ शीर्ष स्थानमाछ । नामिबिया ६ खेलमा ४ मा जित र २ मा हारसहित ८ अंकका साथ दोस्रो स्थानमा छ । नेपाल ४ खेलमा २ अंकका साथ पाँचौं स्थानमा छ । नेपालले अव सेप्टेम्बरमा क्यानडा र ओमानसँग लिग २ सिरिज खेल्नेछ ।
