मुख्य समाचार
जाँदाजाँदै सरकारसँग रुष्ट सुनिए भुवन केसी
जाँदाजाँदै सरकारसँग रुष्ट सुनिए भुवन केसी

। चलचित्र विकास बोर्डका निवर्तमान अध्यक्ष भुवन केसीले सरकारप्रति गुनासो पोखेका छन् । कार्यकाल सकिएको दुई दिनपछि बिहीबार आयोजित बिदाई कार्यक्रममा केसीले नेपाली फिल्मको विकासमा सरकारको योगदान शून्य रहेको बताए ।

नेपाली फिल्म क्षेत्र यहाँसम्म आइपुग्न सरकारले के गर्‍यो भन्दै उनले प्रश्न तेर्स्याए । ‘नेपाली चलचित्र यहाँसम्म आइपुग्नुमा सरकारको योगदान जिरो छ । मैले यो गर्दिएँ है भनेर गौरव गर्नलाई नेताहरुले भाषण ठोक्नलाई कुनै ठाउँ छैन ।’




नेपाली फिल्मले आजको दिनसम्म पनि विदेशीसँग प्रतिस्पर्धा गरिराखेको उनले बताए । केही निर्माता, केही कलाकार र केही निर्देशकले घरखेत बेचेर घरेलु फिल्मलाई यहाँसम्म ल्याएको उनले बताए ।

‘नेपाली सिनेमा क्षेत्रमा धेरै गर्न बाँकी छ । जति काम भयो, कम भने होइन । नेपाली फिल्मले छलाङ मारेको छ,’ बिदाई मन्तव्यमा उनले भने ।


नेपाली फिल्मका लागि सरकारले एउटा स्टुडियो बनाउन नसकेकोप्रति केसीले आक्रोश पोखे । राष्ट्रिय चलचित्र उद्योगको विकासलाई प्राथमिकतामा राखेर आफूहरुले धेरैपटक पहल गरेको दाबी उनले गरे ।

आफूमाथि धेरै अपेक्षा राखिएको भन्दै उनले आफूमाथिको अपेक्षा स्वभाविक रहेको बताए । ‘मैले कला क्षेत्रको दुःख-मर्का बुझेको छु । यहाँ आएर थाहा भयो, चलचित्र क्षेत्रमा थोरै मात्र अधिकार हुन्छन् । जुन चीज २०२६ को ऐनमा चलिराखेको छ,’ उनले भने ।

केसीले प्रस्तावित ऐन पास भए घरेलु फिल्मका ९० प्रतिशत समस्या समाधान हुने दाबी गरे । आफू अध्यक्ष हुँदा ऐन पास गर्न कोसिस गरेको उनले बताए ।

यसबारे उनले भने, ‘मन्त्रीज्यूहरु आउनुहुन्छ, भन्नुहुन्छ हामी गरिदिन्छौं । यहाँ आएर पनि पहिलो दिनदेखि नै ऐन पास गर्न कोसिस गरें । अहिले कम्तीमा सञ्चारबाट मन्त्रालयसम्म त पुग्या छ । अब अर्थबाट क्याबिनेट हुँदै ऐन संसदमा पुग्छ ।’

आफ्नो कार्यकालमा फिल्म स्टुडियो बनाउने, नेपाली फिल्मलाई अन्तर्राष्टिय तहमा लैजाने, बाहिरी फिल्म सुटिङ गर्न ल्याउने, विदेशी लगानी भित्र्याउने योजना माथिल्लो निकायमा पुर्‍याएको उनले बताए । चलचित्र विकास बोर्डमा आउने नयाँ अध्यक्षलाई सहयोग गर्न पनि उनले आग्रह गरे ।

कुनै स्वार्थ विना आफू बोर्डमा आएको उनले बताए । ‘आगामी दिनमा पनि म चलचित्रमा योगदान दिएर अघि बढ्छु । यो देश र कलाकारिता छोडेर म कतै जाने छैन,’ उनले भने ।

काम गर्दा सोचेको जस्तो हुन नसकेको उनले स्वीकारे । ‘तर मेरो प्रयास जारी थियो । मेरो उद्देश्य राष्ट्रिय चलचित्रलाई राम्रो गराउनु थियो । जुन चीज मैले यहाँ आएर थाहा पाएँ,’ उनले भने, ‘अन्जानमा नराम्रो काम गरेको छु भने क्षमा माग्न चाहन्छु ।’

बोर्डका सदस्य-सचिव राजेशकुमार थापा लगायतले केसीलाई बिदाइ गरे ।

प्रतिक्रिया दिनुहोस्
अन्य समाचारहरु
। गोल्डेन ग्लोब अवार्ड विजेता हलिउड अभिनेता टेरेन्स स्ट्याम्पको ८७ वर्षको उमेरमा आइतबार निधन भएको छ । टेरेन्स ‘सुपरम्यान’ फ्रान्चाइजीको खलपात्र जनरल डजको भूमिकामा परिचित छन् । यसबाहेक, उनी द हन्टेड मेन्सन र मर्डर मिस्ट्रीजस्ता लोकप्रिय फिल्ममा देखा परे । स्ट्याम्पको परिवारले मृत्युको बारेमा आधिकारिक नोट जारी गरेको छ । त्यसमा लेखिएको छ, ‘टेरेन्स स्ट्याम्प एक अभिनेता ...
— सुपरस्टार म्याडोनाले पोप लियो चौधौंलाई तत्काल गाजाको यात्रा गर्न र त्यहाँका बालबालिकाको जीवनरक्षा गर्न आग्रह गरेकी छन् । सोमबार सामाजिक सञ्जालमा अपिल पोस्ट गर्दै उनले पोपलाई त्यस्तो आग्रह गरेकी हुन् । छोरा रोक्कोको जन्मदिनले उनलाई त्यो पोस्ट गर्न प्रेरित गरेको समेत म्याडोनाले उल्लेख गरेकी छन् । रोक्को सोमबार २५ वर्षका लागेका छन् । ‘परम आदरणीय फादर, कृपया गाजामा जानुहोस् ...
: काठमाडौंको बौद्धमा सोमबार रोपाई जात्रा धुमधामका साथ सम्पन्न भएको छ। हरेक वर्ष गाईजात्राको भोलिपल्ट बौद्धमा रोपाई जात्रा गर्ने गरिन्छ। प्रताप मल्लको पालाबाट बनाइँदै आएको रोपाई जात्रालाई आफूहरूले निरन्तरता दिँदै आएको स्थानीयहरूको भनाइ छ। झाँकीसहितको जात्रामा बौद्ध परिसरबाट रोपाई सुरु गरेर बौद्ध परिक्रमासँगै बौद्ध पिपलबोटदेखि टुसालसम्म पुगेको थियो। बौद्धको रोपाइँ जात्रामा खेतमा छ्यापेको हिलोको प्रतीकका रूपमा ...
। बलिउड अभिनेता दीपराज राणाले नेपाली फिल्म ‘सुख दुःख’मा अभिनय गर्ने भएका छन् । निर्मात्री नीता ढुङ्गानासँग उनले लिखित सम्झौता गरेका छन् । सिंघम रिटन्र्स, प्रेम रतन धन पायो, दबङ ३ सहित हालै रिलिज भएको ‘मेट्रो इन दिनो’मा उनको अभिनय छ । बिल्ली उस्ताद, सितारे जमीन परजस्ता फिल्ममा पनि अभिनय गरेका छन् । उनले यसअघि श्रीकृष्ण श्रेष्ठ ...
। विश्वचर्चित फिल्म ‘स्पाइडर-म्यान’को नयाँ श्रृंखलाको छायांकन ग्लास्गोमा सुरु भएको छ । प्राप्त भिडियो र तस्वीरमा अभिनेता टम हल्याण्डले छायांकन थलोमा प्रशंसकलाई भेटिरहेको देखिन्छ । नयाँ श्रृंखलाको नाम ‘स्पाइडर-म्यान : ब्राण्ड न्यू डे’ राखिएको छ । स्कटल्याण्डमा छायांकन भएको अभिनेता हल्याण्डको यो लगातार दोस्रो फिल्म हो । उनी गत महिना इन्भरनेस र मोरे वरपरका विभिन्न स्थानमा क्रिस्टोफर ...