। विश्व विजेता स्पेनसहित ब्राजिल र अमेरिकाले पेरिस ओलम्पिक २०२४ अन्तर्गत महिला फुटबलमा विजयी सुरुआत गरेका छन् ।
समूह सी मा रहेको उपाधि दाबेदार स्पेनले एक गोलले पछि परेको स्थिति उल्टाउँदै जापानलाई २-१ ले पराजित गरेको हो । आओबा फुजिलोले १३औं मिनेटमा गोल गर्दै जापानलाई अग्रता दिलाएकी थिइन् ।
तर, अइटना बोनमाटीले २२औं मिनेटमा स्पेनका लागि बराबरी गोल गरिन् । त्यसपछि मारिया काल्डेन्टेले ७४औं मिनेटमा विजयी गोल गरिन् । समूह बी कै अर्को खेलमा ब्राजिलले नाइजेरियालाई १-० ले हरायो । ब्राजिलका लागि गाबी नुनेजले ३७औं मिनेटमा गोल गरिन् ।
यस्तै समूह बी मा रहेको अमेरिकाले दश खेलाडीमा सीमित जाम्बियालाई ३–० ले हरायो । अमेरिकाको जितमा मालोरी स्वानसनले दुई तथा ट्रिनिटी रोडम्यानले एक गोल गरिन् । समूह बी कै अर्को खेलमा जर्मनीले अष्ट्रेलियालाई ३-० ले पराजित गरेको छ । जर्मनीका लागि मारिया हेगेरेरिङ, लिअ सुलर र जुल ब्रान्डले एक-एक गोल गरे ।
समूह ए मा रहेको आयोजक फ्रान्सले पनि विजयी सुरुवात गरेको छ । प्रतिस्पर्धात्मक खेलमा फ्रान्सले कोलम्बियालाई ३-२ ले हरायो । समूह ए कै अर्को खेलमा क्यानडाले न्युजिल्यान्डलाई २–१ ले पराजित गर्यो
